Blers da nus enconuschan anc da l'uffanza l’istorgia da Momo. La matta che viva en ina citad, nua ch’umens grischs engolan il temp dals carstgauns. Momo è la suletta che po dar enavos ad els il temp engulà. L’istorgia da l’autur Michael Ende vegn ussa sin tribuna a Cazas. E quai giugà dal teater Muntanellas.
La gruppa dad uffants e giuvenils festivescha quest onn il giubileum da 10 onns. Ils pli giuvens giugaders èn otg onns vegls, il senior da la gruppa da teater è Gion Pfister ch’ha 73 onns.
Giubileum da 20 onns
La promoziun da giuvenils dal teater Muntanellas festivescha quest onn ses 20avel anniversari. El stat sut la direcziun da Lina Frei-Baselgia. Ella promova gia dapi l’entschatta il teater d’uffants e giuvenils.
Il teater Muntanellas duess er contribuir insatge a l’integraziun. Pervi dal lieu en la clinica psichiatrica da Beverin duessan las retegnientschas envers la psichiatria vegnir diminuidas. Mintg’onn fan las «Muntanellas» in toc da teater dals uffants e giuvenils. Ils temas èn vasts e vegnan adina elavurads ensemen.