Legenda:
Reto Schmid – il maister da la turtina.
RTR / Jon Bischoff
Wer hat’s erfunden? – Bain cler, in Tuatschin! Suenter ch’il tunnel da la Neat è stà perfurà ed ils lavurers davent, ha il conditer Reto Schmid da Sedrun stuì chattar l’ov dal Columbus per che sia fatschenta possia surviver. En las profunditads da sia conditoria ha’l chattà la receptura magica: Ina mini-turta da nuschs. E guarda qua: Las mini-turtinas èn idas sco paunins chauds. Oz producescha Reto Schmid 5 milliuns turtinas per onn, el ha 30 collavuraturas e collavuraturs, clientella gronda en Svizra ed a l’ester. I plova premis sco p.ex. il «Prix Montagne» da quest onn 2018. Lieungas nauschas pretendan perfin: «Sche Reto Schmid avess pudì persvader il Cussegl federal, alura dessi oz la Porta Alpina!» Tgi sa?
