«La Conditoria» da Sedrun gudogna il Prix Montagne da quest onn. La conditoria da Tujetsch producescha las pli pitschnas turtas da nuschs. Quellas vegnan exportadas en diesch pajais differents.
La giuria sut il timun da Bernhard Russi ha nominà en tut sis projects da regiuns muntagnardas per il premi dotà cun 40'000 francs. Dasper La Conditoria è er il Quadrin da la firma Uffer da Savognin stada nominada. Annunzias han els survegnì per en tut 49 projects.
Il premi vegn surdà dapi l’onn 2011 da la gruppa svizra per las regiuns da muntogna. Quai per projects che promovan lavur e creeschan valur en la muntogna.
Premi dal public en il Vallais
Per l’emprima giada è quest onn era vegnì surdà il premi dal public. Gudagnà quel ha la cooperaziun d'hotels «Die Lötschentaler». Il premi è dotà cun 20'000 francs. Sur l’internet èsi stà pussaivel da vuschar per ses favurit. En tut han passa 6'100 persunas vuschà sur l'internet.
-
Bild 1 von 6. Bernhard Russi applaudescha al victur. Bildquelle: RTR, Adrian Camartin.
-
Bild 2 von 6. Nick Hartmann fa in întervista cun Reto Schmid. Bildquelle: RTR, Adrian Camartin.
-
Bild 3 von 6. Reto Schmid da «La Conditoria» cun il Prix Montagne da quest onn. Bildquelle: RTR, Adrian Camartin.
-
Bild 4 von 6. Reto Schmid, il manader da fatschenta da la Conditoria da Sedrun. Bildquelle: RTR, Esther Berther.
-
Bild 5 von 6. Enrico Uffer il manader da fatschenta da la Uffer SA che producescha ils Quadrins. Bildquelle: Uffer SA.
-
Bild 6 von 6. Il Prix Montagne 2018 va en il Grischun. Bildquelle: Agid svizzer per la muntogna.
RR novitads 12:00