Legenda:
RTR, Jon Bischoff
Venderdi, 5 avant las 12. Stockholm, 2018. Ella sesa sin il palantschieu, innocenta, tut suletta. Ina mattetta da 16 onns cun duas tarscholas ed in’egliada pitgiva, bunamain severa. Enta maun ina tavla. 21 bustabs. «Skolstrejk för klimatet» – per rumantsch «Chauma da scola per il clima». Il messadi: Il passà ha engulà il temp per il futur. Sia pretensiun: dapli engaschi da l'elita da l'economia, la scienza e cunzunt dals politichers sin l'entir mund per il clima e l'ambient e dapli engaschi/sforzs per reducir las emissiuns da gas cun effects da serra.
Sonda, 5 avant las 12. Cuira, 2019. Els marschan tras la citad, innocents. Mattatschas e mattatschs da 16 fin 20 onns cun egliadas pretensiusas, bunamain severas. Enta maun tavlas...
