Sch'ins va dal Rain giuadora, saja quai dal Rain Anteriur u Posteriur, lura chattan ins durant trais fins d'emna fin zercladur e fanadur bleras chaussas da design: architectura, design, fotografia, textura e bler dapli. E l'emprima ediziun da «Design am Rhein» vul render attent tut questa vastezza en quest sectur cun differents meet&greets, referats, portas avertas ed eveniments.
In lieu d'exposiziun è la Casa Desax a Trun ch'è vegnida fabritgada l'onn 1782 e renovada il 1904. Questa chasa è stada vida plirs decennis e vegn averta a posta per «Design am Rhein» per la publicitad. Quest highlight allegra la curatura da la nova plattafurma:
La chasa ha in caracter magnific. Las stanzas èn unicas e mintgina è autra.
Perquai che la chasa vegn averta per il public han ils organisaturs era decidì da laschar liber intginas stanzas e betg exponer dapertut. Uschia pon ils e las visitadras betg be vesair design grischun en la Casa Desax, mabain era contemplar la chasa sezza.
Impressiuns exposiziun e Casa Desax
-
Bild 1 von 14. Installaziun d'objects da design da Fabio Hendry, oriund da Sedrun. Bildquelle: RTR.
-
Bild 2 von 14. Objects da Fabio Hendry cun ses studio da design Hot Wire Extensions. Bildquelle: RTR.
-
Bild 3 von 14. Era la taila da Trun vegn exponida a Trun cun il Bündnertuch. Bildquelle: RTR.
-
Bild 4 von 14. Ceramica da la Val Stussavgia. Piera Buchli prepara l'exposiziun da sia cheramica. Bildquelle: RTR.
-
Bild 5 von 14. Bildquelle: RTR.
-
Bild 6 von 14. Bildquelle: RTR.
-
Bild 7 von 14. Hitzfilz. I vegn a dar workshops da fieutrar. Bildquelle: RTR.
-
Bild 8 von 14. Ovras finidas da fieuter. Bildquelle: RTR.
-
Bild 9 von 14. Ultim endrizzament. La gievgia, 26-06-2024 han ils designers gì temp dad endrizzar la Casa Desax cun lur objects da design. Bildquelle: RTR.
-
Bild 10 von 14. Mara Tschudi vi d'endrizzar. Ella creescha cun colurs. Bildquelle: RTR.
-
Bild 11 von 14. La Casa Desax amez Trun. Ella è vegnida construida l'onn 1782 sin incumbensa da Ludwig Hercules Caspar Deodatus de Caprez (*1736 – †1800). Bildquelle: RTR.
-
Bild 12 von 14. La chasa è vegnida renovada l'onn 1904. Bildquelle: RTR.
-
Bild 13 von 14. Cuschina veglia. Exposiziun en l'emprim plaun. Bildquelle: RTR.
-
Bild 14 von 14. Cuschina veglia. Bildquelle: RTR.