Siglir tar il cuntegn

Header

audio
#15 Sco cusì ensemen
Or da ILS DUS DA NUS dals 23.06.2022.
laschar ir. Durada: 52 minutas 4 Secundas.
cuntegn

ILS DUS DA NUS #15 Sco cusì ensemen

Avais Vus savì che fin la 10avla emna dal fetus avain nus las medemas genitalias? Nus n'era betg. Tant meglier ch'i dat ina lecziun da biologia en la nova episoda.

ILS DUS DA NUS van en la pausa da stad. Vus pudais fin alura pachetar Vossas valischs cun las pli novas scuvertas or da l’astronomia, biologia e lingua rumantscha. Sch’era Vus avais mintgatant l’impressiun, che Vossas genitalias èn cusidas ensemen, tadlai l’episoda 15. Nus avain respostas. 

Sch’i plascha, partì l’episoda cun amias, collavuraturs, parentella u simplamain sin vossas medias socialas. Sch’i na plascha betg scrivai in messadi ad ILS DUS DA NUS.

Tgi èn «ILS DUS DA NUS»?

Buna dumonda!

Marcus Petendi ed Elias Tsoutsaios sa vesan – cun lur ragischs d'utrò e socialisaziun rumantscha – sco «secondos rumantschs». A chaschun da lur podcast «ILS DUS DA NUS» analiseschan ils dus amis mintg'emna temas virals ed actuals, musica, observaziuns dal mintgadi, ma er lur agen svilup. Il cuntegn po variar da decisiuns politicas sur la cultura rumantscha enfin tar istorgias, co pischar en las chautschas, e duai vegnir tractà cun ina buna presa umor ed autoironia – dentant adina sin basa da fatgs. Cun atgnas cumposiziuns da signets e rubricas purtain l’auditori en noss mund, nua che tut po e nagut sto.

video
Ils dus da nus - Tgi è quai insumma?
Or da RTR Social dals 31.03.2022.
laschar ir. Durada: 2 minutas 17 Secundas.

E quai n'è anc betg tut: Il cuntegn dal podcast vegn cumplettà cun ina playlist sin Spotify ed in profil sin instagram. Suandai damai per l'experientscha cumplessiva dad «ILS DUS DA NUS».

Il profil che cumplettescha l'experientscha

View this profile on Instagram

M+E (@ilsdusdanus) • Instagram photos and videos

RTR podcast 18:00

Artitgels legids il pli savens

Scrollar a sanestra Scrollar a dretga