Siglir tar il cuntegn

Header

video
Il victur dal «Premi Term Bel»
Or da RTR dals 07.11.2020.
laschar ir
cuntegn

Litteratura digitala Martin Cantieni gudogna il Premi Term Bel

La concurrenza litterara Premi Term Bel 2020 ha quest onn gì lieu en furma digitala e betg sco usità a Domat. Martin Cantieni è il victur dal premi da la giuria. Il premi dal public va a Roman Caviezel.

Martin Cantieni ha survegnì il Premi Term Bel 2020 per ses text «In senza» che descriva il viadi d’in senza bigliet cun il tren vers sid. En la laudatio per il text dì la giuria:

Il text «In senza» ha in bun ritem, era u forsa gist perquai ch`el na cuntegna nagins verbs. Questa restricziun dat in’ulteriura significaziun al titel «In senza». In senza bigliet, in senza bagascha, in senza adressa, in senza verbs.
Autur: La giuria
video
«In senza» da Martin Cantieni
Or da RTR Social dals 07.11.2020.
laschar ir

Il premi dal public, che è per l’emprima giada vegnì eruì cun ina votaziun online va quest onn a Roman Caviezel e ses text «Ella u jau.». Raquintà vegn qua l’istorgia d’in emploià che ha sentiments da vendetga encunter sia scheffa.

video
«Ella u jau» da Roman Caviezel
Or da RTR Social dals 07.11.2020.
laschar ir

Era sche la 30avla ediziun dals Dis da litteratura a Domat ha stuì vegnir spustada sin l’onn proxim, han ins pudì tadlar, persequitar cun tensiun e la finala era as participar al Premi Term Bel 2020. Dals 18 texts inoltrads aveva in’emprima giuria selecziunà tschintg finalists. Las ulteriuras finalistas e finalists eran:

Ils texts en vegnids discutads dad ina giuria d’experts che è sa cumponida da l’autura e manadra da cultura tar la Lia Rumantscha Gianna Olinda Cadonau, da la linguista Anna-Alice Dazzi e dal docent da litteratura a l’Universitad da Friburg Renzo Caduff.

Il Premi Term Bel vegn sponsurà da la Vischnanca burgaisa Domat ed ha lieu mintga dus onns. Il premi da la giuria è dotà cun 3'000 francs. Il premi dal public è dotà cun 1'500 francs.

RTR cultura 11:00

Artitgels legids il pli savens

Scrollar a sanestra Scrollar a dretga