Radund trais mais suenter ch'ella aveva cumenzà cun sia funcziun banduna la directura puspè il museum Kirchner. La fundaziun Ernst Ludwig Kirchner ed ella sajan sa cunvegnids da terminar la collavuraziun, scriva la fundaziun.
La tschertga per in nov directur u ina nova directura cumenzia l'onn nov. Il mument procuria l'ulteriur persunal il manaschi dal museum.
Ariane Grigoteit aveva cumenzà sia lavur sco successura da Thorsten Sadowsky il prim da settember.
Il museum Kirchner mussa ovras da l’artist expressiunist Ernst Ludwig Kirchner – ch’el ha fatg durant ses temp a Tavau. Proprietaria e purtadra dal museum è la fundaziun Ernst Ludwig Kirchner Tavau.
RR novitads 11:00
