Siglir tar il cuntegn

Header

video
Livestream dal Premi grischun da litteratura
Or da RTR Social dals 07.04.2021.
laschar ir
cuntegn

Premi grischun da litteratura In livestream festiv, ludic e litterar en trais linguas

Asa S. Hendry, Ursina Trautmann e Luca Maurizio vegnan onurads cun il Premi grischun da litteratura 2021. Il musicist e cabarettist Flurin Caviezel ha moderà en trais linguas la surdada che ha gì lieu a Maiavilla, en la pli gronda biblioteca privata dal chantun Grischun.

Il Premi grischun da litteratura 2021 vegn repartì sin duas auturas ed in autur che represchentan tant la varietad linguistica sco era litterara en tut sias furmas d’expressiun – texts scrits ed orals, poetics e satirics, romans e chanzuns, teaters e texts schurnalistics – e quai en furma analoga sco era digitala.

  • Asa S. Hendry survegn il premi per ses emprim roman remartgabel «Sin lautget» en lingua rumantscha. Quel tracta da maniera poetica e cun gronda sensibilitad ed intelligenza tematicas fitg sensiblas ed actualas.
  • Ursina Trautmann survegn il premi per sia activitad litterara multifara ed engaschada sco schurnalista libra, autura e slammadra da lieunga tudestga.
  • Luca Maurizio, il chantautur e cabarettist da lingua taliana e bregagliotta, survegn il premi per il tun poetic da sias chanzuns e per la satira lucida da la societad che s’exprima en sias preschentaziuns divertentas e murdentas.
audio
Premi da litteratura GR: surdada als trais victurs
03:36 min, Actualitad dals 07.04.2021.
laschar ir. Durada: 03:36 minutas.

Il premi ch'è dotà cun 10’000 francs è vegnì surdà da la Fundaziun premi grischun da litteratura. L’act festiv-ludic-litterar ha gì lieu en la biblioteca da la chasa von Sprecher a Maiavilla che vala sco la pli gronda biblioteca privata dal Grischun. Il cabarettist Flurin Caviezel ha moderà ed enramà musicalmain la surdada dal premi ch'è vegnì surdà ils 7 d'avrigl 2021.

Premi grischun da litteratura 1999-2021

Avrir la boxSerrar la box
  • 2021 Asa S. Hendry, Ursina Trautmann e Luca Maurizio
  • 2020 Romana Ganzoni
  • 2019 Andri Perl
  • 2018 Melita Breznik
  • 2017 Massimo Lardi
  • 2016 Mariella Mehr
  • 2015 Angelika Overath
  • 2014 Oscar Peer
  • 2013 Silvio Huonder
  • 2012 Andrea Paganini
  • 2011 Leta Semadeni
  • 2010 Peter Michael-Caflisch
  • 2009 Leo Tuor
  • 2008 Margrit Sprecher
  • 2007 Benedetto Vigne
  • 2006 Andrea Bellasi ed Ursula Riederer
  • 2005 Vincenzo Todisco
  • 2004 Cesare Santi
  • 2003 Bernadette Lerjen-Sarbach
  • 2002 Robert Vieli
  • 2001 Rut Plouda
  • 2000 Kurt Wanner
  • 1999 Rita Cathomas-Bearth, Marianne Fischbacher, Ursula Jecklin-Schmid e.a.

RTR livestream 12:30

Artitgels legids il pli savens

Scrollar a sanestra Scrollar a dretga