Questa fin d'emna èsi puspè uschè lunsch. Outfits en tuttas colurs, cars cun differents sujets decorads cun tutta premura e musica da schlager che resuna tras la citad da Cuira – e sa chapescha gronda festa. La schlagerparade stat avant porta. Per l'episoda speziala dal podcast «ils dus da nus» è era la redactura Anna Selina Quinter da la partida. Ella è s'occupada dal tema per il radio. A pled vegnan en il podcast era l'expert da schlagher Roger de Win e differentas musicistas e musicists rumantschs.
Sexissem en il schlagher
Sch'ins guarda sin la musica da schlagher, lura croda insatge si: il maletg da la dunna gioga en bleras chanzuns ina gronda rolla e per part èn ils texts era in pau sexistics. Uschia che nus avain discurrì cun il expert da schlager Roger de Win. E tenor lez n'haja il schlager ozendi en general betg in problem da sexissem.
La musica da schlager vivi tenor el per gronda part da nostalgia – e quai saja era il motiv – che blera musica cun cuntegns che na giessan ozendi betg pli vegnan anc adina celebrads. Dentant stoppian ins differenziar – i dettia anc adina cunzunt ina sparta dal schlager nua che tals texts sajan in muster: l'uschènumnà schlagher dal ballermann. E là saja tenor el betg mo il sexissem in problem mabain era la glorificaziun da l'alcohol. Perquai stoppian ins era differenziar in pau sch'ins guarda sin il svilup tranter differentas sorts da schlagher.
Blera glieud vul simplamain er in zic laschar ora il frust.
Daco che questa furma da schlagher ha dentant anc adina uschè bler success datti tenor l'expert da schlagher differentas differents motivs. Per tscherta glieud pudessan questas chanzuns er esser in ventil, cunquai ch'i vegn ozendi en general fatg attent bler pli fitg sin tge ch'ins di e tge ch'ins dastga dir. El pensa dentant betg che quella glieud haja en il mintgadi in problem da sexissem. Dentant è er l'expert da l'opiniun che blers texts na dastgan uschia betg pli exister.
Tuttina dettia era gronds svilups en il schlager – cun chanzuns che stettian fitg per emanzipaziun e per egualitad. Il schlager saja uschia era in pau dapli che mo musica da buna luna – mabain per part era in spievel da la societad.
Savens na san ins gnanc tge ch'ins conta cun.
Il success dal schlager saja tenor el savens plitost ina cumbinaziun da harmonia e nostalgia. E savens saja era uschia ch'i giaja pli fitg per il sentiment che per ils temas sco tals che las chanzuns tractian.
Las retschertgas puncto il sexissem en il schlager mussan – la discussiun en quest genre è anc plitost giuvna. La scienziada da musica Marina Forell ch'è sa fatschentada sco ina da las paucas pli profund cun il tema sexissem en il schlagher – vesa il motiv daco ch'i vegn per discurrì oz davart quest tema saja la misogynia internalisada ed uschè ditg sco i dettia quella, dettia pli probabel era anc musica sexistica.
Er tema tar la Schlagerparada a Cuira?
A la Schlagerparada a Cuira n'haja tenor Marc Raguth Tscharner che fa part dal comite d'organisaziun mai dà il cas ch'ins haja stuì scumandar ad ina gruppa da chantar ina chanzun. La suletta giada ch'ina chanzun saja – almain durant la parada – sapientivamain betg vegnida sunada era la chanzun «Layla» avant dus onns. Quella na saja betg ida a prà cun la schlagerparada. Ed era per part era vegnida boykottada da tscherts emitturs da radio u era sin autras festas – malgrà ch'ella era en la parada da hits. La saira hajan els lu dentant tuttina fatg in'exepziun.
A chaschun da la Schlagerparada a Cuira, han Marcus Petendi ed Elias tsoutsaios producì in'atgna chanzun da schlagher rumantscha, che mussa: Gie, il schlagher dastga (bunamain) tut:
Marcus Petendi ed Elias Tsoutsaios analiseschan temas actuals e persunals a moda umoristica ed infurmativa.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
Sch’i plascha, partai l’episoda cun amias, collavuraturs, parentella u simplamain sin vossas medias socialas. Sch’i na plascha betg scrivai in messadi ad ILS DUS DA NUS: 076 347 18 61
Tgi èn «ILS DUS DA NUS»?
Marcus Petendi ed Elias Tsoutsaios sa vesan – cun lur ragischs d'utrò e socialisaziun rumantscha – sco «secondos rumantschs». A chaschun da lur podcast «ILS DUS DA NUS» analiseschan ils dus amis mintg'emna temas virals ed actuals, musica, observaziuns dal mintgadi, ma er lur agen svilup. Il cuntegn po variar da decisiuns politicas sur la cultura rumantscha enfin tar istorgias, co pischar en las chautschas, e duai vegnir tractà cun ina buna presa umor ed autoironia – dentant adina sin basa da fatgs. Cun atgnas cumposiziuns da signets e rubricas purtain l’auditori en noss mund, nua che tut po e nagut sto.
Il cuntegn dal podcast vegn cumplettà cun ina playlist sin Spotify ed in profil sin instagram. Suandai damai per l'experientscha cumplessiva dad «ILS DUS DA NUS».
