Tgi sa regorda da l'ultim maletg da l'Uorsin da la stgella? Uorsin sesa ensemen cun ses geniturs vid maisa cuschina a mangia chastognas cun groma. Ensesez curius, pertge l'Engiadina giascha memia aut per crescher chastognas. En la vallada vischina, la Bregaglia perencunter datti in dals pli gronds e bain tgirads guauds da chastognas en las Alps. Ina part da la racolta da las chastognas vegn mintgamai exportada en l'Engiadina. Pli baud mavan schizunt colonnas da sauma per las chastognas, uschia per exempel gievan quels da Tujetsch en Val dal Blegn per las chastognas che vegnivan er numnadas «il paun dals povers».
-
Bild 1 von 3. L'atun vegnan las chastognas racoltadas. Bildquelle: RTR.
-
Bild 2 von 3. En Val Bregaglia èn ils chastagners derasads. Bildquelle: RTR.
-
Bild 3 von 3. Il fritg cun il mantel spinus, la chastogna. Bildquelle: RTR.
In festival per il fritg bregagliot
Avant 20 onns han decis las vischnancas da Castasegna, Soglio e Bondo da vulair mussar ad in public pli vast l'impurtanza e la racolta da la chastogna. Ord questa idea è daventà in festival che dura trais emnas e porscha differentas occurennzas che mussan la valur dal fritg bregagliot. En tschertas zonas èsi er pussaivel da racoltar sez las chastognas. Suenter dus decennis dastg'ins er discurrer d'in usit, tant per giasts sco er per persunas indigenas.