Usits da fieu eran ina giada derasads en tut las Alps, quatiers tutga er il trair schibettas. Er en il Grischun era questa tradiziun derasada sco quai che nums da cultira en divers lieus tradeschan. Ozendi vegn dentant be anc tratg schibettas en las vischnancas da Danis-Tavanasa e Vaz Sut e quai adina l'emprima dumengia da curaisma, suenter ch'il tschaiver (danor a Basilea) è passà
Schibettas glischantas sgolan en la val
Gia da Bumaun cumenzan ils buobs, cun agid da lur babs ad elavurar las schibettas ord lain fau. Suenter vegnan las schibettas pendidas si per ch'ellas èn sitgas il di ch'ellas vegnan duvradas. Il di dal usit vegn fatg in fieu sur il vitg, las schibettas vegnan vid tortas coller tegnidas en il fieu enfin ch'ellas ardan. Cun schlantsch e cun agid d'in catapult da lain vegnan ellas tratgas giu en la val. Cura che las schibettas ch'ardan sgolan direcziun val ha la persuna che ha sajettà ella da deditgar la schibetta ad insatgi. Sche la dedicaziun va a la matta che plascha lura pon ins dir ch'il cult probabel precristian survegn ina dimensiun terrestra.