Tuttina sche Ursina Giger intganta il public cun ses artpop melancolic rumantsch en l’acustica monumentala da l’Ark Nova a Lucerna u sche Florian Egli festivescha il mument cun ses trio da jazz – la musica è adina en il center. Lur mintgadi ha savens lieu tranter lur agen pitschen studio e lur abitaziun a Turitg, tut en la medema chasa.
Da chattar l'armonia tranter mintgadi e carriera
Qua vegn vivì e lavurà: sessions da registraziun fruntan sin il caos da famiglia. E Florian Egli manegia cun in rir: «Uffants èn tant stress sco ch’in concert è vacanzas.» Ed Ursina Giger respunda: «Els na laschan betg bler spazi, ma sch’i va propi per insatge, alura èn els fitg pulits». Il realisatur da films Casper Nicca ha chattà in purtret intim. In sguard onest sin dus musicists excepziunals che mussan che la pli gronda sfida n’è betg la tribuna, mabain da chattar l’armonia tranter mintgadi e carriera.
