Di da la musica svizra - In anniversari en il center
Dapi 15 onns pon artistas ed artists svizzers sa registrar sin la plattafurma Mx3.ch per preschentar lur musica. Quai avain festivà durant il di da la musica svizra ed en spezial cun in grond concert a Fribourg el club Fri-Son.
Per festivar ils 15 onns da la plattafurma Mx3 datti otg concerts d’artistas e d’artists ch’èn ina giada stà selecziunà da l’acziun «Mx3 – tuts per in». Confurm a l’acziun, mintgamai dus acts da mintga regiun linguistica da la Svizra. Danitsa e Barrio Colette da la Svizra franzosa, Tatum Rush ed Animor da la Svizra taliana e Caroline Alves e Sam Himself per la Svizra tudestga. Las duas Rumantschas en la runda èn Ursina e Fiona Fiasco, l’ultima ensemen cun Melodiesinfonie.
1 / 8
Legenda:
Fiona Fiasco e Melodiesinfonie
Quest onn ha la chantadura rumantscha publitgà ses album da debut «Forever Faking Memories».
Samuel Vuillermoz, mx3.ch
2 / 8
Legenda:
Ursina
Era la chantautura Ursina ha quest onn publitgà in album: «When I Let Go»
Samuel Vuillermoz, mx3.ch
3 / 8
Legenda:
Barrio Collette
La gruppa da Genevra.
Samuel Vuillermoz, mx3.ch
4 / 8
Legenda:
Sam Himself
Da New York a Friburg sin tribuna – Sam Himself cun sia vusch unica.
Samuel Vuillermoz, mx3.ch
5 / 8
Legenda:
Danitsa
La cantautura fa Hip Hop, Soul, Reggae, Funk e tranteren era ina giada Trap.
Samuel Vuillermoz, mx3.ch
6 / 8
Legenda:
Tatum Rush
Il chau creativ cun ragischs en l’America che abitescha a Lugano e Lausane.
Samuel Vuillermoz, mx3.ch
7 / 8
Legenda:
Caroline Alves
La chantadura da soul ch’è oriundamain da Rio de Janeiro scriva sias chanzuns uss a Biel.
Samuel Vuillermoz, mx3.ch
8 / 8
Legenda:
Animor
La secunda artista da Lugano che ha gratulà ils 16 da settember al giubileum da mx3.ch.
Samuel Vuillermoz, mx3.ch
Ina versada ed ina noviza
Na, ina Newcomera n’è Ursina betg. Ella ha studegià musica tranter auter era en l’exteriur e chantà e sunà en differents projects. Cun «You Have My Heart» ha ella publitgà il 2016 ses emprim album solo. Quest’onn ha ella publitgà in ulteriur album cul titel «When I Let Go». Sin quel èsi era da chattar la chanzun «Tut semida» ch’è stà la selecziun da l’acziun «Mx3 – tuts per in» dal fanadur 2021. Il titel noviza va meglier a prà cun Fiona Fiasco, era sche gia pliras da sias chanzuns èn vegnidas emessas en divers radios en Svizra. Entaifer sia curta carriera è ella gia duas giadas stada il talent dal «Mx3 – tuts per in». L’entschatta sco Fiona Cavegn cun «Mona Lisa» per il mars 2019 e quest onn cun ses nov pseudonim Fiona Fiasco ensemen cun Melodiesinfonie e lur chanzun «Boys Suck».
audio
15 onns MX3 – concert en il Fri-Son a Friburg (part 1)
57:20 min, ord RTR Concerts dals 20.09.2021.
Maletg: Samuel Vuillermoz, mx3.ch
