Dieua sveglia auters purtrets che Dieu.
Lantschà la discussiun davart in Dieu pli feminin han plevonessas da la Svizra franzosa e Svizra tudestga. Ellas disturba il maletg viril da Dieu. Ellas giavischan ch’i s’etablescha er «la Dieu» ni «Dieua».
Per Cornelia Camichel-Bromeis saja Dieu dapli che «be» in artitgel davanttiers. Il maletg da Dieu haja midà tar ella ils davos onns. Ella n'haja nagin purtret, forsa era perquai ch’ella saja creschida si en la baselgia refurmada.
Dieu ha nagina fatscha dad in uman.
Ma la discussiun dovria schon. Anc adina dovran ins il purtret u Dieu u Signur sco unic med per discurrer da Dieu. Per ella na saja quai dentant dapi onns nagin tema, damai ch’ella dovria dapli purtrets ed er furmas femininas da Dieu.
I dovra la discussiun perquai che Dieu n’è betg be in signur.
A Cornelia Camichel-Bromeis plaschess sche Dieu vegniss descrit cun adjectivs u verbs – E dumonda: Sche Dieu fiss ina dunna – parturiss el era?
Da duvrar pli fitg furmas femininas da Dieu pudess er chaschunar ina midada en la structura tar la baselgia. Ins stgaffeschia munds cun lingua, di Cornelia Camichel-Bromeis.
