Dis da litteratura - Sonda ils 6 da november - Cultura

Il ticker è a fin

17:51
FIN

Tant per oz, ils Dis da litteratura e quest diari cuntinueschan damaun marvegl a las 9:00. Bunas lecturas sin via e giud via...

Legenda: RTR
17:44
30 onns Dis da litteratura

Daco dovri ils Dis da litteratura e tge giavischa il public a Domat per il futur...

video
Retschertga – Quo vadis litteratura rumantscha?
Or da RTR Social dals 06.11.2021.
laschar ir. Durada: 2 minutas 31 Secundas.
17:27
audio
Franz Hohler declera, daco ch'el ha emprendì rumantsch
ord RTR Audio dals 06.11.2021.
laschar ir. Durada: 1 minuta 1 Secunda.
17:21
Legenda: RTR/ Esther Krättli
17:18
Fümader passiv – Passivraucher

Per avair in cor grischun ha Franz Hohler cumenzà ad emprender rumantsch gia durant il temp da scola. Ed uss dastga el festivar la vernissascha da ses cudesch biling «Fümader passiv, Passivraucher». Il cudesch cuntegn poesias rumantschas, raquints curts, citats, «Il malur da la fuorcla» ed in'intervista. Franz Hohler ha per exempel translatà poesias da Luisa Famos, Dumenic Andry, Jessica Zuan ed auters.

Mes pled preferì è pietigott. Ils germanissems fan grond plaschair a mai. Quai èn duas linguas che dattan il maun ina a l'autra.
Autur: Franz Hohlerautur
16:48
Il segund di dals Dis da litteratura va plaun plaunet a fin. La sala è plaina, l'interess dal public è grond.

Legenda: FMR/ David Truttmann
15:51
Discussiun davart la litteratura rumantscha dad oz e damaun

La litteratura rumantscha na saja betg avunda preschenta, uschia Flurina Badel, artista libra. I manchian cudeschs d'uffants novs, forsa era in festival da cudeschs d'uffants. E lura pudessan ins per exempel far ina turnea tras la Svizra e promover l'enconuschientscha e la chapientscha. Silvana Derungs dal Dicziunari rumantsch grischun smina, ch'i dettia pregiudizis en ils chaus da lecturs e da lecturas. L'idea che cudeschs rumantschs tractian mo da vitgs e vatgas, pasturs e plevons, chalenders e cardientscha. Rico Valär, professer da rumantsch a l'universitad da Turitg vesa il problem era tar la intermediaziun e la propagaziun da litteratura en las medias. Il discurs davart la litteratura rumantscha saja sa sminui marcantamain.

Legenda: RTR/ Esther Krättli
15:13
audio
Tge cudesch rumantsch avais vus legì sco davos?
ord RTR Audio dals 06.11.2021.
laschar ir. Durada: 1 minuta 54 Secundas.
15:11
audio
Tge enconuschais vus da la litteratura rumantscha?
ord RTR Audio dals 06.11.2021.
laschar ir. Durada: 1 minuta 17 Secundas.
15:08
audio
Tge manca, tge legessas vus gugent per rumantsch?
ord RTR Audio dals 06.11.2021.
laschar ir. Durada: 2 minutas 6 Secundas.
14:56
Nua via, litteratura rumantscha?

Sco proxim ans spetga ina discussiun davart la litteratura rumantscha oz e damaun. RTR è gia ordavant ì sin via a Mustér, Savognin e Scuol per dumandar a passantas e passants tge ch’els enconuschan e giavischassan da la litteratura rumantscha.
- Tge cudesch rumantsch avais vus legì sco davos?
- Tge enconuschais vus da la litteratura rumantscha?
- Tge manca, tge legessas vus gugent per rumantsch?
14:47
Astrid Alexandre accumpogna musicalmain la prelecziun da Romana Ganzoni.

Legenda: RTR/ Esther Krättli
14:43
Laders, vampiras e glatscha da citrona

Romana Ganzoni legia poesias e prosa curta ord «Vent per mia Vela», ses emprim cudesch be rumantsch. En «Vent per mia vela» maina Romana Ganzoni nus en ses mund liric. Situaziuns or dal mintgadi, straglischs d'ideas e scuntradas cun umans èn il punct da partenza per las poesias ed ils texts curts ch'èn bleras giadas associativs e maschaidan munds reals e da fantasia.

Legenda: RTR/ Esther Krättli
14:08
La litteratura e jau – Benedetto Vigne e l'inspiraziun da la litteratura

Cun strusch 10 onns ha Benedetto Vigne scuvert in cudeschet misterius si sur chombra, scrit da Jack London. L'odur vedra era l'odur d'aventura ed era quella da la litteratura. E la litteratura ha inspirà el. Suenter in viadi da scola ha el survegnì l'incumbensa da scriver in concept davart l'excursiun. Quai è stà l'emprim mument da sia vanagloria litterara.

audio
Giubilectura da Benedetto Vigne
ord RTR Audio dals 06.11.2021.
laschar ir. Durada: 1 minuta 40 Secundas.
14:01
La litteratura e jau – Gianna Olinda Cadonau e la dumonda, danunder che la litteratura deriva?

La litteratura na vegn betg or da mes culli, betg or da la tastatura ed era betg or da mia bucca. La litteratura vegn dad ordadora. Ella è dapertut e nagliur.

audio
Giubilectura da Gianna Olinda Cadonau
ord RTR Audio dals 06.11.2021.
laschar ir. Durada: 1 minuta 27 Secundas.
13:55
La litteratura e jau – Leo Tuor e la biblioteca

En sia giuventetgna aveva l'autur paucs cudeschs e sa sentiva lev, cun l'essenzial che aveva plaz en in satgados. Pir cun 35 onns ha el scuvert per el la litteratura, e chattà «Geborgenheit» en ella. I dat cudeschs ch'èn entiras bibliotecas, cudeschs cumpacts ch'ins po prender sin viadi. Dentant cun daventar sesent ha era Leo Tuor fundà in'atgna biblioteca tar el a chasa.

audio
Giubilectura da Leo Tuor
ord RTR Audio dals 06.11.2021.
laschar ir. Durada: 1 minuta 35 Secundas.
13:16
«La chesa dals sömmis» d'Anna Ratti

Anna Ratti prelegia or da ses cudesch nov. In cudesch cun blers muments magics, d'in mund fantastic. Ditgas e raquints che tschiffan il public vi en in auter mund. Per exempel l'istorgia da duas dunnas che fan bogn en in bel lai e dorman en il liber. Tuttenina sa muventa il lai e viador vegn in dragun che spida fieu. E lura tut che arda...

Legenda: FMR/ David Truttmann
12:42
Il comité en globo

Suenter in onn pausa – pervi da corona – ha il comité d'organisaziun dals Dis da litteratura puspè pudì envidar litteratas e litterats a Domat. Tras il program ha manà la moderatura Anna Serarda Campell dad RTR.

Legenda: Ina fotografia da famiglia dal 19avel tschientaner - il comité Da sanester: Sara F. Hermann, Toni Vinzens, Anna Serarda Campell (moderatura), Ralf Beer e Nadina Derungs. FMR/David Truttmann
12:16
«Panuglias da fim» da Viola Cadruvi

L’autura Viola Cadruvi avess gugent preschentà live a Domat ses pli nov roman «Panuglias da fim», che cumpara l’entschatta december. Dentant il virus e cun quai il duair da star en quarantina han fatg in stritg tras il quint. Tuttina era Viola Cadruvi via visur preschenta a Domat ed ha uschia dà in'invista en ses roman che tracta da moda e maniera divertenta l’ultima fasa da la vita. En il center stat Benedetg Deplazes (81), sias regurdientschas, las pitschnas rebelliuns ed escapadas cun las qualas el fa frunt al mintgadi en chasa d’attempads.

Legenda: RTR
12:07
«Mors aint il vöd»

L'editura Mevina Puorger prelegia ina poesia da Jachen Andry.

audio
Mevina Puorger
ord RTR Audio dals 06.11.2021.
laschar ir. Durada: 41 Secundas.