L'amur per il rumantsch ha tschiffà Edith Bodmer (61) plitost tard, ma persuenter è ella tant pli passiunada. L'anteriura tgirunza ha studegià romanistica a l'Universitad da Turitg e dat oz curs da rumantsch sursilvan per la Migros Klubschule a Turitg ed Aarau. Ella viva cun ses um, il giat e las giaglinas ad Obfelden en il sidvest dal chantun Turitg.
Sco il rumantsch ha dà a sia vita ina nova direcziun, tge lioms ch'ella ha a Surcasti e pertge ch'ella ha ussa decidì dad anc ina giada midar plazza raquinta Edith Bodmer en il Profil da RTR.