En «Feuerlilie» sa scuntran trais persunas en in pitschen vitg da muntogna. La schurnalista Vera sto finir in artitgel davart litteratura rumantscha, Kalman tschertga in lieu per vegnir a frida cun in trauma ch’el ha passentà en ina situaziun da guerra e da praschunia e Sophia, la sora da Vera, ha problems psichics e sa perda en il labirint da la vita.
L’autura Gianna Olinda Cadonau ha stgaffì in’ovra che fascinescha e fa tema il medem mument. En in’atmosfera bunamain anguschanta descriva ella co che las trais persunas emprovan da vegnir a s’avischinar, adina respectond ils cunfins da l’auter e senza tutgar las plajas e feridas. In tema central èn ils ischs en nossas chasas e las portas en nossa vita che s’avran mintgatant vers novs spazis.
Gianna Olinda Cadonau, naschida 1983 en l’India, è creschida si en Engiadina. Ella ha studegià relaziuns internaziunalas e management da cultura. Tar la Lia Rumantscha è ella responsabla per la promoziun da cultura. Ella scriva lirica e prosa en rumantsch e tudestg. Ses dus toms cun poesias èn cumparids tar editionmevinapuorger. «Feuerlilie» è ses emprim roman. Gianna Olinda Cadonau viva cun sia famiglia a Cuira.
Or da l'archiv:
