Il roman da debut da Giana Olinda Cadonau porta il num «Feuerlilie». La lingua persvadia. L'acziun haja in'actualitad che fetschia il pass sur il preschent ora. Quai di la schuria da la fundaziun Studer/Ganz. En il roman stgaffeschia l'autura ch'è creschida si a Scuol ferms maletgs che na satisfetschian betg la spetga dal lectur e la lectura.
En l'istorgia entaupa Vera en in vitg engiadinais in'um ch'è signà d'in trauma da guerra. La sora da Vera è malsauna psichicamain. L'autura na dat mai explicaziuns, sco ils protagonists vivan cun las sfidas. Durant l'istorgia mida ella adina puspè la perspectiva.
Cun il premi vegn il roman medemamain publitgà en la chasa editura Lenos - il premì è dotà cun 5'000 francs. Cadonau viva a Cuira ed è responsabla per la promoziun da la cultura a la Lia Rumantscha, activa en divers gremis culturals grischuns e maina ensemen cun Anna Serarda Campell «La Vouta» a Lavin.
