Siglir tar il cuntegn

Header

audio
Gossau: il davos di da la festa da chant federala
Or da Actualitad dals 28.05.2022.
abspielen. Laufzeit 4 minutas 25 Sekunden.
cuntegn

Gossau 2022 Duas fins d'emna plain chant

La segunda fin d'emna a la festa da chant federala a Gossau è ida a fin. Ils chors participants han pudì chantar a diversas chaschuns. Tranter auter era sin «inslas da chant» ch'èn stadas plazzadas en divers lieus en la citad.

audio
Festa da cant a Gossau – ils inscunters
aus Actualitad vom 27.05.2022.
abspielen. Laufzeit 3 minutas 58 Sekunden.

La Festa federala da chant, u il Festival da chant svizzer sco l'organisaziun numna sia festa a Gossau, ha avert sias portas. Gia l'emprim di han intgins chors chantà avant la giuria d'experts. La festa vul esser in inscunter frestg ed in zic auter che festas da chant usitadas. I na duai betg esser ina concurrenza «in cunter l'auter» mabain ina occurrenza «in cun l'auter». Uschia ha in dals emprims inscunters tranter dus chors (Cantaurora da Cuira e Singstimmen Winterthur) fascinà il publicum en la baselgia son Andriu (Andreaskirche) ed animà ils preschents da chantar tuts ensemen.

A questa festa da chant èsi da scuvrir ina gronda variaziun da chors e geners. Chors a-capella sco per exempel il chor «Klangtastisch» che ha dà concert la gievgia saira en la tenda circus. Era chors da jazz, chors classics, ubain chors d’uffants preschentan lur chant sin las vias da Gossau ed en ils locals da festa.

Festival dals chors

Avrir la box Serrar la box

«Schweiz singt – Gossau klingt»: sut quest motto vegn organisà las duas fins d'emna dals 20 fin ils 22 da matg e dals 26 fin ils 28 da matg 2022 a Gossau la Festa federala da chant.

La festa da chant vul era far enconuschent e derasar la pli diversa musica da chors. Sper las producziuns avant la giuria dals experts, vegn er chantà sin uschenumnadas «inslas da chant» e durant plirs concerts d'inscunters. Il chant vegn dentant era celebrà en las tendas da festa ubain spontan sin via. Tut tenor il slogan da la festa «Die Schweiz singt – Gossau klingt» resunan uschia las vias da la citad songagliaisa per propi dal chant da chors. Plinavant datti chant communabel e concerts festivs en plirs lieus da Gossau.

Concerts avant la giuria

Avant la giuria d'expertas ed experts sa preschentan mintgamai quatter chors. Els èn durant la medem'ura en la zona da silenzi e chantan in suenter l'auter avant la giuria d'experts. Mintga chor ha a disposiziun 8 fin 12 minutas per chantar chanzuns a cappella u cun accumpignament da clavazin. Preschentas èn duas expertas u experts, ed in u ina da quels fa suenter il concert in discurs da valitaziun.

Puzzle da chors

A Gossau datti er la pussaivladad da sa participar ad ina cumbiniala da chors. Gia avant la festa èn vegnids repartids «chorpuzzles» a chors d'uffants, chors da giuvenils e chors da creschids. Al festival s'inscuntran quests chors e portan lur «tocs da puzzle». Uschia emprendan ils chors d'enconuscher in l'auter. Il puzzle da chors ha lieu ils 27 da matg 2022.

Emissiun naziunala en quatter linguas

Il venderdi saira han ils radios SRF Musikwelle, RTS, RSI e RTR registà cun tun e maletg in'emissiun communabla en las quatter linguas naziunalas. En l'emissiun sa preschentan il Choeur des Armaillis da la Gruyères, il Coro Calicantus Locarno, il consonus Vokalensemble ed il Chor da giuvenils grischun cun diversas chanzuns. Sper ils quatter chors èn sa preschentads sin la tribuna en la tenda da circus la pianista Marion Suter e la furmaziun da musica populara da l'Appenzell Altfrentsch.

La festa da chant sin RTR

  • Dumengia ils 22 da matg a las 15:00: Artg musical
    concerts festivs da Arcas Syncopics ed ils chors da jazz da Basilea e Berna
  • Mardi, ils 24 da matg a las 19:00: Noss chors
    concerts festivs da Männerstimmen Basel, Voix de Lausanne, las sinGALLinas, il FrauenChorFrauen ed ils chors d'uffants unids
  • Dumengia, ils 29 da matg da las 14:00 – 16:00: Artg musical
    Emissiun naziunala da venderdi ils 20 da matg 2022, cun las furmaziuns:
    Choeur des Armaillis de la Gruyère, Calicantus, Consonus e Chor da giuvenils grischun
    Da quest'emissiun datti er divers videos
  • Mardi, ils 31 da matg a las 19:00: Noss chors
    concerts festivs dal chor zug, chor da giuvenils Grischun, Choeurs de la Fête des Vignerons
  • Dumengia, ils 10 da fanadur a las 15:00: Artg musical
    concerts festivs da sinGALLinas, FrauenChorFrauen, Voix de Lausanne, Männerstimmen Basel
  • Dumengia, ils 31 da fanadur a las 15:00: Artg musical
    concerts festivs da Klangtastisch, schmaz, Boys Choir Lucerne e stimmix

RTR actualitad

Artitgels legids il pli savens

Scrollar a sanestra Scrollar a dretga