Tar quest raquint da Jesus vai per l'istorgia d’in bab che ha dus figls.
Il bab fa palais che il di che el moria, saja sia facultad, terras e bains per ses dus figls. Cun qua che igl è tradiziun che il primnaschì erta terras e bains, dumonda il figl giuven sia ierta avant ch'il bab mora e banduna la chasa paterna. El va en pajais esters, giauda la vita e sperda tut e daventa pauper.
Il giuven sventirà chatta lavur sco pastur da portgs.
Per ils Gidieus è il portg simbol per tschuffadad. El realisescha che perfin ils portgs han dapli da mangiar e decida da turnar a chasa tar ses bab. Quel embratscha e lascha festivar il return dal figl che è turnà sco in pauper murdì. Il figl vegl, che ha adina servì fidaivlamain a ses bab, sa sent tralaschà. Ma il bab respunda: “Mes uffant, ti es adina cun mai, e tut quai che è da mai è era da tai. Ma nus stuain ans legrar e far festa, perquai che tes frar era mort ed è puspè viv; el era pers ed è puspè chattà.»
In roman istoric cun tratgs autobiografics
«Quest cudesch e sa scrits da sez, grazia ad auters cudeschs d'istrogia», sincerescha Torlach Mac Con Mí, l'autur irlandes e canadais che viva dapi 25 onns a Cuira. El conceda d'avair chatta en la capitala grischuna ina segunda patria, ma er il lieu d’acziun predestinà per ses roman istoric «Il figl pers».
Torlach Con Mac Mí: «In uvestg, in giuven um – jau forsa – e la citad da Cuira». Sa tracti d'in roman istoric cun tratgs autobiografics?
Quest roman istoric è en in tschert senn ina brev d'amur a Cuira.
L’idea da scriver quest'istorgia dal figl pers, saja vegnida cura ch'el aveva quattordesch onns. Lura è Torlach Mac Con Mí vegni cresmà dal uvestg John Charles McQuaid da Dublin. Prest 60 onns èn passads dapi lura – ed il giavisch da realisar quest roman istoric è daventà realitad.
L'istorigia da ses roman «Il figl pers», ch'è cumparì per sursilvan, capita per gronda part davos las paraids grossas da la Catedrala e da la curt episcopala da Cuira, en in ambient stretg religius e conservativ dal 15avel tschientaner a la sava da la refurmaziun.
I sa tracta da Martin Cadonau, in giuven student da teologia che turna suenter quatter onns da ses studis a Padua. En sia bulscha bleras visiuns progressivas e plans per ses avegnir. Ses protectur il prinzi uvestg da Cuira n’e betg intgantà da sias ideas. En il roman vai per la relaziun tranter Martin e l'uvestg nua che conflicts na sa laschan betg evitar.
Igl è in roman stampà. Ma la glieud vul navigar en spazis metaforics.
Il roman istoric «Il fegl perdiu» vegn cumplettà d'ina pagina web ch'infurmescha la lectura ed il lectur cun in vast index d'informaziuns.
