Marcus ha inscuntrà «King Justice» tar ina vendita via la plattafurma Ricardo. Ina odissea veritabla. Elias cumbatta per renconuschientscha en chasa RTR, concret tar l’informatica. Spoiler: nagin progress. E lura datti anc temas impurtants da discutar sco ina votaziun che pertutga violenza encunter dunnas. Tut sco adina sin via directa or dal Stu-Ra 2.
N'avais anc betg avunda?
Per il temp d'advent datti 12 discurs cun giastst da surpraisa.
Resuns, criticas e salids
Sch’i plascha, partai l’episoda cun amias, collavuraturs, parentella u simplamain sin vossas medias socialas. Sch’i na plascha betg, lura scrivai in messadi ad ILS DUS DA NUS: 076 347 18 61
Baschattas ed istorgias
Era cun Marcus ed Elias:
Tgi èn «ILS DUS DA NUS»?
Marcus Petendi ed Elias Tsoutsaios sa vesan – cun lur ragischs d'utrò e socialisaziun rumantscha – sco «secondos rumantschs». A chaschun da lur podcast «ILS DUS DA NUS» analiseschan ils dus amis mintg'emna temas virals ed actuals, musica, observaziuns dal mintgadi, ma er lur agen svilup. Il cuntegn po variar da decisiuns politicas sur la cultura rumantscha enfin ad istorgias, co pischar en las chautschas, e duai vegnir tractà cun ina buna presa umor ed autoironia – dentant adina sin basa da fatgs. Cun atgnas cumposiziuns da signets e rubricas purtain l’auditori en noss mund, nua che tut po e nagut sto.
Il cuntegn dal podcast vegn cumplettà cun ina playlist sin Spotify ed in profil sin instagram. Suandai damai per l'experientscha cumplessiva dad «ILS DUS DA NUS».