RTR è stà in bun patrun, buns e bunas collegas – jau sun stà sco en l’ieli.
Suenter la midada uffiziala tar la redacziun dal «Battaporta» saja el stà cuntentischem. Ma er Jachen Prevost ha adina lavurà per pliras emissiuns u redacziuns. Sper Battaporta e novitads era quai er la redacziun da sport.
-
Bild 1 von 3. Sport. Jachen Prevost ensemen cun Roman Dobler al Tour de Suisse 2004. Bildquelle: RTR.
-
Bild 2 von 3. Musica. Jachen Prevost en discurs cun Polo Hofer al Open Air Lumnezia 2007. Bildquelle: RTR.
-
Bild 3 von 3. Novitads. Il team da novitads 1983. Da sanester: Violanta Spinas, Jachen Prevost, Niculin Bezzola, Richard Cavigelli, Josef Item, Gabriela Desax. Bildquelle: RTR.
En quest connex è el stà il 1996 als gieus olimpics ad Atlanta e mitschà be per pauc da la mort. Sin in banc han el e collega Toni Poltera vis in satgados ed els èn chaminads vinavant. Forsa 200 meters pli tard hai dà in sfratg ed els han sentì la pressiun da questa unda d’aria en il dies.
Nus eran schoccads dentant pir pli tard essan nus vegnids da savair che quai era ina bumba e ch’igl ha dà dus morts e passa 100 blessads.
Jachen Prevost è er stà sin viadi per la redacziun da musica a festivals per accumpagnar musicistas e musicists rumantschs. Ma er en chasa RTR èn adina puspè stars vegnids per far promoziun, per exempel Roland Kaiser. «Quai è stà insatge fitg spezial. Quai fa bunamain in zic pel giaglina da regurdar da quest inscunter.»
Diagnosa
Il 2017 è Jachen Prevost vegnì confruntà cun ina diagnosa ch’era in grond schoc, in tumor en il torax. In tumor betg uschè privlus dentant in che pasava 3,8 kilograms e ch'ha stuì vegnir operà.
Quai è stà grevs muments perquai ch’jau hai pers la controlla da mamez.
Il tumor vegn per vita duranta ad accumpagnar Jachen Prevost. Quel crescha adina puspè e cunquai dovra el er adina puspè terapias. Perquai di Jachen Prevost: «Jau hai decidì da far be anc quai ch’jau hai gust.»