Suenter blers onns en il sport da lutga, l’emprim sco activ nua che nagin viadi era memia lung per ir als trenaments da lutga, ni ad ina festa da lutga, è la festa da lutga grischun-glarunaisa arrivada en Engiadina Bassa. Sin la Motta Naluns a Scuol, sin 2'150 meters sur mar cumbattan ils megliers 120 lutgaders dal chantuns da la Svizra Orientala per il titel.
Jon Fadri Carpanetti e sia passiun per la lutga
-
Bild 1 von 4. Jon Fadri Carpanetti cun Lino e Dario. Bildquelle: RTR.
-
Bild 2 von 4. Jon Fadri Carpanetti cun «ses» mats. Bildquelle: RTR.
-
Bild 3 von 4. Jon Fadri Carpanetti sco arbiter. Bildquelle: RTR.
-
Bild 4 von 4. Ils 'mats' da la Societad da lutga engiadinaisa. Bildquelle: RTR.
In grond merit che la festa è finalmain en Engiadina Bassa ha il manader tecnic, il trenader da la Societad da lutga engiadinaisa, Jon Fadri Carpanetti. El era sez activ durant ils onns dal nov millenni. Suenter sia carriera activa ha el gist surprendì en la nova Societad da lutga engiadinaisa il post dal manader tecnic. Dapi 15 onns mussa l’anteriur lutgader quest sport genuin, tradiziunal e famigliar a la proxima generaziun.
Accident cun dar a hockey ha midà la vita
En la vita ha Jon Fadri Carpanetti da Crusch/Sent stuì prender inqual storta. L’anteriur lutgader activ ed uss trenader da lutga ha emprendì marangun e bostger. In accident da hockey ha alura dentant sfurzà el d'emprender er anc pur. L’accident da hockey pareva l’entschatta ina bagatella. Jon Fadri Carpanetti ha survegnì in puck vi da la stgaina. L’emprim mument ha el pensà: «Quai è nagut.» La chomma è dentant s'unflada, la finala èn seguidas numerusas operaziuns. Adina puspè ha Jon Fadri Carpanetti gì tissientadas dal sang. Il mal è restà. Tranteren è quel stà uschè ferm ch’el ha studegià da laschar amputar la chomma.
Quai ha stuì esser uschia, per insatge è quai bun.
Ozendi pensa Jon Fadri Carpanetti dentant auter. El di a sasez: «Quai ha stuì esser uschia, per insatge è quai bun.» Il bab da duas mattas ha emprendì da viver cun il mal ed as giavischa per il futur da vegnir a fin anc meglier cun quel e da far viadi forsa ina giada en il Canada per fabritgar er a là chasas cun laina radunda. Per el sez ha Jon Fadri Carpanetti gia fabritgà ina da quellas chasas.