A la festa da lutga grischun-glarunaisa han cumbattì quest onn 130 lutgaders dals set chantuns da la Svizra Orientala. Il grond victur dal di è Armon Orlik da Maiavilla. Il favurit ha gudagnà la lutga finala cunter Mario Schneider, ch'el ha mess en dies aifer gnanc ina minuta. Il di dad Orlik è ì tenor plan, la finala ha el pudì scriver tschintg victorias ed in pari. Uschia gudogna el per la sisavla giada en sia carriera la lutga grischun-glarunaisa, e questa giada sco retg da lutga. En tut ha l'um da Maiavilla gudagnà 28 festas da cranz en sia carriera.
-
Bild 1 von 15. Armon Orlik survegn ses premi, il taur Alonso. Bildquelle: RTR.
-
Bild 2 von 15. Buna atmosfera sin ils bancs a l'ur dals plazs. Bildquelle: RTR.
-
Bild 3 von 15. I gira al grill sin la Motta Naluns, il public ha fom suenter las emprimas quatter lutgas. Bildquelle: RTR.
-
Bild 4 von 15. Bildquelle: RTR.
-
Bild 5 von 15. Il sulegl splendura e la luna è buna. Bildquelle: RTR.
-
Bild 6 von 15. L'avantmezdi èsi temp per l'emprim rinforz. Bildquelle: RTR.
-
Bild 7 von 15. Bildquelle: RTR.
-
Bild 8 von 15. Bildquelle: RTR.
-
Bild 9 von 15. Bildquelle: RTR.
-
Bild 10 von 15. Il pli ferm lutgader dastga prender a chasa il muni. Bildquelle: RTR.
-
Bild 11 von 15. Bildquelle: RTR.
-
Bild 12 von 15. Corsin Jörger, anteriur lutgader commentescha la festa ensemen cun Roman Dobler. Bildquelle: RTR.
-
Bild 13 von 15. Tut pront sin la Motta Naluns per la festa da lutga. Bildquelle: RTR.
-
Bild 14 von 15. Tschajera e plievgia il venderdi avant la festa, per la sonda èsi però annunzià sulegl. Bildquelle: RTR.
-
Bild 15 von 15. Circa 300 voluntaris èn en acziun per furmar ils rintgs da resgim e per bajegiar si l'infrastructura. Bildquelle: RTR.
Mario Schneider è la finala anc crudà enavos sin il tschintgavel rang. Ses frar Domenic Schneider ch'è er stà cunfavurit n'ha betg dumagnà il pass en la lutga finala, en la rangaziun finala è el però vegnì segund. Sco terz è sa ranga Christian Biäsch da Sertig/Tavau. En tut han 19 lutgaders survegnì in cranz. Sis da quels èn ids a lutgaders grischuns.
Atmosfera speziala sin 2'100 meters sur mar
Ils organisaturs a Scuol han fatg quint cun var 3'000 aspectaturas ed aspectaturs en il territori da skis da la Motta Naluns. Quellas e quels èn vegnids cun la pendiculara fin a l'areal da lutga, nua ch'i ha dà da vesair cumbats sin quatter rintgs durant l'entir di. L'atmosfera è stada buna, quai grazia a la bell'aura e las bunas prestaziuns sportivas.
Blers fans da lutga èn indigens e n'han betg laschà prender la chaschun d'ir ad ina festa da cranz en l'Engiadina. Uschia ha bain inqual pachetà il sacados cun paun, chaschiel, salsiz e vin e giudì la bell'aura, la culissa stupenta sin la Motta Naluns e tegnì ils polischs per il lutgader preferì.
Las lutgas dal di
Tut ils cumbats èn da da guardar qua:
Ils cumbats en ils quatter rintgs ha RTR emess via livestream. Il rintg pincipal ha commentà Roman Dobler, redactur da sport da RTR ensemen cun Corsin Jörger, anteriur lutgader da Domat.