Glisch, camera, acziun! - «L’ultim Rumantsch» – parallelas cun la realitad che muventan

Sonda saira è stada la premiera da «L’ultim Rumantsch» a Cuira. En il kino Apollo han 250 persunas pudì guardar tut las tschintg episodas da la seria fictiva. Prest l’entira equipa ch'ha collavurà davant e davos las culissas è stada da la partida.

1 / 6

Legenda: RTR

2 / 6

Legenda: RTR

3 / 6

Legenda: RTR

4 / 6

Legenda: RTR

5 / 6

Legenda: RTR

6 / 6

Legenda: RTR

Susanne Lebrument è impressiunada

La seria è filmada en il bajetg da la chasa da medias Somedia a Cuira vest. Tant quai fatg sco er l'istorgia enturn ina chasa da medias ch'è fundada ed en maun dad ina famiglia cun il bab a la testa, laschan trair parallelas cun la chasa da medias Somedia da la famiglia Lebrument. Susanne Lebrument, la figlia dal fundatur Hanspeter ed oz vicepresidenta dal cussegl d'aministraziun, è impressiunada da l'istorgia. Tutgà emoziunalmain hajan cunzunt scenas da dispita entaifer la famiglia da l'editur Gion-Peder Durisch. Quellas hajan regurdà ferm a la realitad en l'atgna famiglia.

Quai ha tutgà mai ferm emoziunalmain. Cunquai ch'i va gea per il conflict e la dispita entaifer la famiglia. E quai m'ha regurdà fitg vi da nossa famiglia. Jau na schess betg [che las dispitas] eran pli flaivlas ch'en la seria. Forsa schizunt anc pli fermas.

Cuntrari a Susanne Lebrument ha l'actura principala da la seria Annina Hunziker gì be fitg pitschnas parallelas cun l'atgna realitad. Ella è bain creschida si intgins onns a Laax en Surselva, ma dal rumantsch era restà tar ella be fitg pauc. Perquai saja stà ina gronda sfida d'emprender la lingua per la seria. Ella haja emprendì fin ad otg uras per di cun repeter e scriver sin cartinas ils pleds. E tar tscherts pleds saja lura tuttina vegnida inqual regurdientscha da si'uffanza a Laax.

Dumengia saira a las 18:15 ha l’emprima episoda gì premiera en la televisiun sin SRF1. Tgi che vul guardar gist tut las tschintg episodas po far quai sin rtr.ch.

La seria en televisiun