I na saja dentant betg adina simpel da crair en sasez. Sco interprendider e pedagog da chant mettia el autas finamiras e lavuria savens memia bler. El conceda ch'el sa mova savens en ina sort raspunera, en il trot da mintgadi.
Impurtant èsi da sa fermar e sa dumandar: Sun jau cuntent cun quai che jau fatsch? Igl è impurtant d'avair plaschair en la vita.
Gino Carigiet è la vusch da la band rumantscha «Omisdus». Quella ha el fundà l'onn 2016 cun David Fridli. «La vusch è mes instrument per transmetter emoziuns e plaschair tras la musica, la musica è mia professiun e mes hobi», declera l'artist da 33 onns.
Omisdus
-
Bild 1 von 2. Gino Carigiet e David Friedli . Gino Carigiet: «Finalmain! Nus avain il plaschair da pudair anspreschenta ils 23 da fanadur 2026 sin il palc dal Openair Lumnezia. Bildquelle: Adrian Graf.
-
Bild 2 von 2. Amis en la musica e sin il palc. Gino Carigiet (a san.) cun David Fridli furman ensemen la band «Omisdus». Bildquelle: Adrian Graf.
Gino Carigiet ha fatg il studi da Jazz cun bachelor a la Scola auta da musica a Berna. A Turitg ha el absolvì il master cun il profil chant. Dapi lura è el scolast da chant, interprendider e dirigia il chor «Pitch Please», ch'el ha fundà a Soloturn.
Creschì si è Gino Carigiet en Surselva, en il vitg da Siat. Anc oz tgira el il contact cun ses vitg nativ e cun sia famiglia. Siat saja in lieu per sa retrair, in lieu d'inspiraziun.
La chanzun «Mia Mumma», hai jau scrit cun sustegn da mia mamma, quai ma fa plaschair ed am resta en buna memoria.
Tge è il senn da la vita? Èsi la musica che dat senn a la vita u èsi il plaschair che la musica transmetta che dat senn a la vita? En Vita e cretta filosofescha Gino Carigiet da questas ma er d'autras dumondas en connex cun il senn da la vita.
Or da l'archiv: