Siglir tar il cuntegn

Header

cuntegn

Litteratura Far cuntrabanda cun poesias

Cun «Marchà nair cul azur» preschenta Angelika Overath gia sia terza collecziun da poesias en vallader ed en tudestg. Per l'autura èn las poesias experiments da minimalissem. Ella observa las linguas e gioga cun sun e ritmus. Scriver poesias è ina via per vegnir pli datiers al rumantsch che Angelika Overath vuless savair discurrer meglier.

Las poesias prendan si muments da la natira: ina gita cun gianellas tras la Val Tuoi u ils curnagls en il suvi. Auters texts partan da singuls pleds, per exempel las differentas expressiuns ch'i dat en vallader per la tema. Or da quels ha l'autura fatg ina poesia davart las mieurinas da la tema.

Tar las poesias rumantschas e tudestgas dad Angelika Overath, che viva dapi 15 onns cun sia famiglia a Sent, na sa tracta betg da simplas traducziuns. Las poesias èn tenor l'autura fragliuns ch'èn mintgatant sumegliants, ma mintgatant era fitg auters.

RTR Ura culturala 11:00

Artitgels legids il pli savens

Scrollar a sanestra Scrollar a dretga