Mo paucs enconuschan il poet da Ramosch Jachen Luzzi (1880-1949). El ha lavurà l’entira vita sco impiegà da banca ed ha scrit daspera poesias. La generaziun pli veglia en Engiadina sa regorda forsa da poesias dal temp da scola sco «Il chavrerin».
La stà ais a fin mas charas chavrettas, e vos chavrerin s’lasch’uossa sulettas.
La nova reediziun tgirada da Jachen Andry e da Mevina Puorger cuntegna però era poesias per creschids. Temas che turnan adina puspè èn brama, encreschadetgna e ils dis beads ch’ins passenta en la patria.
La stagiun preferida da Jachen Luzzi è stà l’atun cun sias colurs, la feglia che croda e la natira che mora. Che Jachen Luzzi aveva era ina vart umoristica mussa per exempel sia versiun da «Il salip e la furmicla».