Star da cumpagnia, far musica da tschaiver ubain simplamain laschar trair da quest temp cun bleras festas ed uras allegras. La «Marella» va permez il tschaiver a Glion e s'inscuntra là cun bleras musicantas e musicists da las musicas da tschaiver. Nus avain entupà da quels, che èn varga 30 onns en la musica da tschaiver ed auters che han laschà encrescher fitg ferm per quest temp nar. Las Latiarnas, las Patlaunas, las Grischalottas e las Bagordas, Ils Vagabunds ed auters fans da quest temps, els eran là.
In'autra moda da far tschaiver
La Marella ha dentant era fatg ina visita ad ina tut autra moda e maniera da far tschaiver. Durant ils tschaiver a Domat tutgan tradiziunalmain era las salamuiras. Ils vers e las chanzuns che tractan schabetgs capitads durant l'onn a moda umoristica. Las Buccas bletschas, ils Kakalaris e l'Oergeli Duo èn s'inscuntrads per l'emprova generala. Per l'emprima giada sunan els avant il public e nus essan stads da la partida.
