Tar Marian Gort vegnan persunas cun problems: cun temas, cun conflicts da relaziuns, che vulan chalar da fimar u prender giu. Ed er persunas che sa sentan betg segiras da sasez ni ch’han traumas.
Sch’i fa clic tar clientas e clients, quai ma dat bler.
Sco ipnotisadra va ella en il subconscient, en las emoziuns d'ina persuna. Qua possian ins gidar spert. «Il trenament mental ston in exercitar, quel dovra pli ditg», di Marian Gort en il «Profil». Cun quai ch’ella fetschia uss, saja ella pli datiers da sasezza. Sco trenadra mentala ed ipnotisadra survegnia ella fitg bler da la glieud, malgrà che las persunas vegnian cun problems tar ella.
En ses temp liber ha Marian Gort fatg bler sport: mountainbike, skis, snowboard, inline-skates, trampolin, parasgular.
Jau sun ida al limit, ina fugia da mamezza e da quai ch’jau hai davos mai.
Marian Gort è malgrà legastenia vegnida scolasta primara. Pervia da si'uffanza betg adina simpla ha ella gì in muster en ella. Quai muster haja ella laschà analisar en l'ipnosa.
Jau sun stada uschè fascinada quai ch’è schabegià cun mai en l'ipnosa. Ed jau hai er vulì far quai.
Creschida si è Marian Gort a Rueun en ina famiglia cun otg fragliuns. Ella era la mesauna e naschida dus mais memia baud. Perquai vegnivia ditg ad ella a chasa ch’ella saja tuppa.
Dapli biografias e destins
Jau era uschè gronda sco in paun da 500 grams. Jau aveva 1300 grams e 44 cm. Propi pitschna.
Marian Gort ha gì ed ha anc oz anc problems cun leger. Ella è legastenicra. Oz survegnan uffants cun legastenia agid. Cura che Marian Gort ch’ha uss 55 onns è gieva a scola, na savev’ins anc betg exact tge che quai saja. E tuttina ha ella fatg il seminari da scolastas a Cuira.
Nagin n’ha percurschì ch’jau sun legastenicra. Leger era adina in stress.
Sco scolasta primara ha Marian Gort perquai gì gronda chapientscha per uffants ch’avevan problems en scola. Ella ha adina mussà il positiv, quai ch’è bun.
In’ura cun biografias, destins, istorgias ed experientschas da giuven e vegl ch’han da dir u da raquintar insatge.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.