El saja effizient, spert, disciplinà e bain organisà. Be uschia saja quai pussaivel dad esser guardiaselvaschina, president communal e fiduziari, di l’um da 55 onns che fa quests trais jobs dapi 6 onns in sper l’auter.
Emprendì haja el gia da buob da lavurar. Sco «Martin dil büffet» saja el creschì si en in manaschi gastronomic, nua ch'igl ha adina num da lavurar e sa gidar. Emprendì da lavurar, da far e forsa era ristgar haja el era durant ses onns da scolaziun e furmaziun sco fiduziari tar Pricewaterhousecoopers. Quels l'han era manà en ils Stadis Unids, nua ch'el ha pudì sa participar ad in program da scolaziun.
Jau vuleva adina daventar advocat – malgiustia vilenta mai il pli fitg.
Sper tut questas lavurs ha il Tuatschin lantschà avant in onn, ensemen cun ses figl Nils, il podcast cun num «Generationengespräche». Ed in da quests discurs ha chaschunà bleras reacziuns criticas en la pressa. Pertge che quest podcast è impurtant per el sco bab, e tge che motivescha el da s’engaschar politicamain malgrà ch’il job da president communal saja tut auter che bel, raquinta el en il Profil.