Paul Lovatt-Cooper (GB), Ueli Kipfer (CH) ed Enrico Calzaferri èn stads ils experts a l'emprima ediziun dal Mountain Brass in Concert 2025, la concurrenza da musica da divertiment. Dus experts han valità las prestaziuns musicalas (maximalmain 200 puncts).
Il terz expert ha giuditgà il factur divertiment, cuntegn e creativitad da la preschentaziun. Er il publicum ha gì in pled en chaussa. El ha pudì votar per la meglra show cun in voting sin rtr.ch. La valitaziun da l'expert per il divertiment vegn quintà cun 50% e la vusch dal public medemamain cun 50%, ensemen han els uschia chattà la band victura (maximalmain 100 puncts).
En total datti uschia maximalmain 300 puncts (200 puncts per la musica e 100 puncts per la show).
Ils videos ed audios da la concurrenza chattais sin Play RTR sco era sin Play Festas.
Victura
La band victura survegn 3'000 francs en la cassa, la segunda 2'000 francs e la terza 1'000 francs.
| Rang | Musica |
Valitaziun musicala |
Valitaziun divertiment |
Voting Public |
Total |
|---|---|---|---|---|---|
| 1 | Liberty Brass Band | 196 | 48 | 43 | 287 |
| 2 | Musikgesellschaft Risch-Rotkreuz | 192 | 47 | 47 | 286 |
| 3 | Graubünden Brass | 190 | 45 | 48 | 283 |
| 4 | Universal Brass Band | 182 | 46 | 46 | 274 |
| 5 | Oberaargauer Brass Band | 188 | 43 | 42 | 273 |
| 6 | Brass Band Eglisau | 184 | 42 | 44 | 270 |
Meglier toc da pensum
Paul Lovatt-Cooper ha cumponì il toc «From the Mountains to the Skies» che mintga band ha gì dad integrar en ses program. Sunà il meglier quest toc ha:
| Liberty Brass Band |
Per questa prestaziun datti in bon en la valita da 1'000 francs.
Meglier solist
Mintga band ha er gì da preschentar in solo. Dus cornetists, dus trumbists e dus eufonists han cumbattì per il titel. Il meglier solist dal Mountain Brass in Concert 2025 è:
| Graubünden Brass | Simon Gabriel (cornet) | Deep Blue (Philip Harper) |
El ha retschiert in bon en la valita da 500 francs.
Meglier program
Il publicum ensemen cun il terz expert han valità il program da mintga band pertutgant divertiment, cuntegn e creativitad. La vusch da l'expert e la vusch dal publicum (ch'è vegnì fixà entras in voting sin rtr.ch) han ins quintà per mintgamai 50% e la finala ha quai dà il meglier program da divertiment. Quest titel ha gudagnà:
| Musikgesellschaft Risch-Rotkreuz |
Ella survegn in bon en la valita da 500 francs.
