Il 1803 è la Musica da Domat vegnida fundada ed è uschia precis tuttina veglia sco il chantun Grischun (lez è dapi lura commember da la Confederaziun). Deplorablamain n'èn tut ils protocols ed auters documents dals emprims onns e decennis betg pli d’enturn. Probabel avevan ils actuars u presidents a chasa quests documents e quels èn fitg probabel ars tar il grond brischament ch'i ha dà a Domat il 1903.
Il pli vegl document existent è in contract tranter la musica e la vischnanca davart in emprest da 300.- francs per cumprar instruments novs. Pir suenter l'onn 1903 datti documents e dapi lura è l'istorgia da la Musica da Domat documentada.
Antruras ed oz
-
Bild 1 von 16. 1900. Probabel la pli veglia fotografia existenta da la Musica da Domat. Bildquelle: Musica da Domat, Othmar Bühler.
-
Bild 2 von 16. 1907. Musica e schumbraders. Bildquelle: Musica da Domat, Othmar Bühler.
-
Bild 3 von 16. 1917. La processiun da Nossadunna d'avust. Bildquelle: Musica da Domat, Othmar Bühler.
-
Bild 4 von 16. 1923. La societad ad ina festa da musica. Bildquelle: Musica da Domat, Othmar Bühler.
-
Bild 5 von 16. 1928. 125 onns Musica da Domat. Bildquelle: Musica da Domat, Othmar Bühler.
-
Bild 6 von 16. 1937. Festa chantunala da musica. Bildquelle: Musica da Domat, Othmar Bühler.
-
Bild 7 von 16. 1942. Bildquelle: Musica da Domat, Othmar Bühler.
-
Bild 8 von 16. 1953. Giubileum da 150 onns. Bildquelle: Musica da Domat, Othmar Bühler.
-
Bild 9 von 16. 1964. La processiun da Sontgilcrest ha gronda muntada. Bildquelle: Musica da Domat, Othmar Bühler.
-
Bild 10 von 16. 1966. Festa federala da musica ad Aarau. Bildquelle: Musica da Domat, Othmar Bühler.
-
Bild 11 von 16. 1986. Festa d'uniformaziun. Bildquelle: Musica da Domat.
-
Bild 12 von 16. 1982. L'ultima saxofonista ed ils ultims saxofonists da la Musica da Domat. Bildquelle: Musica da Domat, Othmar Bühler.
-
Bild 13 von 16. 1992. Festa chantunala a Favugn. Bildquelle: Musica da Domat.
-
Bild 14 von 16. 2007. Festa chantunala da musica a Scuol. Bildquelle: Musica da Domat.
-
Bild 15 von 16. 2016. Festa federala da musica a Montreux. Bildquelle: Musica da Domat.
-
Bild 16 von 16. 2024. Festa chantunala da musica a Claustra. Bildquelle: Musica da Domat.
Cun l'onn da fundaziun 1803 è la Musica da Domat la otgavla veglia musica da la Svizra (la pli veglia è la Civica Filarmonica di Bellinzona dal 1785). La fundaziun croda en in temp fitg grev, gist suenter la guerra dal 1799 e suenter ch'il vitg da Domat è ars giu duas giadas curt in suenter l'auter.
Per l'Artg musical davart il giubileum èn vegnids en il studio Albertus Durisch (commember activ dapi passa 50 onns e president d'onur) e Theo Haas ch'enconuscha profundamain l'istorgia locala da Domat. Entant che Theo Haas ha pudì raquintar da la situaziun economica da Domat durant il 19avel tschientaner ha Albertus Durisch raquintà co in comité ha realisà la cronica da la Musica da Domat.
Regal d'anniversari
Sco regal sin quests 222 onns Musica da Domat han la societad piglià a maun da far ina cronica. Fin uss era quai be adina in'idea ch'è mai vegnida realisada. In comité cun Pius Fetz, Walter Caviezel ed il president d'onur Albertus Durisch han gì l'incumbensa da s'occupar da questa cronica.
Els èn stads uras ed uras en lur archiv dentant er en l'archiv chantunal ed han tschertgà documents e legì bleras gasettas veglias per chattar indicaziuns davart la Musica da Domat. Plinavant han els pladì l'istoricher Christian Ruch che ha la finala scrit la gronda part da la cronica.
Sco Brass Band da la segunda classa sa participescha la Musica da Domat regularmain a festas da musica, districtualas, chantunalas ed er federalas. En pli metta el accents cun adina puspè novs projects da concert. Er per il giubileum ha la societad mess en pe insatge nov, ina concurrenza da musica da divertiment.
Program da giubileum
La Musica da Domat festivescha ses grond giubileum en duas parts. Venderdi ils 20 da zercladur 2025 dat la Musica da Domat in concert e preschenta la cronica menziunada sura. Suenter dat la Liberty Brass Band in concert sut la direcziun da Stefan Roth e porta uschia las gratulaziuns sin via musicala.
Ord l'archiv da RTR
La sonda datti lura ina concurrenza tut speziala: Mountain Brass in Concert. Qua sa concurrenzeschan sis Brass Bands svizras d'aut nivel cun mintgamai in program da divertiment da 30 fin 35 minutas. Ina concurrenza fitg attractiva era per il public. Lez dastga lura er votar davart il meglier program da divertiment.