La fin d'emna è stada a Domat ina nova concurrenza per brassbands, «Mountain Brass in Concert». Ina concurrenza che la Musica da Domat ha realisà en connex cun ses giubileum da 222 onns. L'Artg musical da dumengia passada ha purtà il victur final, la Liberty Brass Band, sco er il victur solist Simon Gabriel (GR Brass) e l'ovra «Z1920» da la Musikgesellschaft Risch-Rotkreuz che ha gudagnà il premi per il meglier program. En l'Instrumentala datti oz ina selecziun or dal program da las ulteriuras brassbands.
