Il 1850 han intginas paucas persunas fundà la Societed da musica Samedan, l'emprima musica en l'Engiadina. Quest onn po ella festivar ses giubileum da 175 onns. Er sch'ella ha actualmain be in tozzel musicantas e musicants ha ella festivà ses grond anniversari cun in concert ch'ha er tutgà il gust dal publicum.
In sguard en l'istorgia
-
Bild 1 von 13. 2025. La furmaziun actuala. Bildquelle: Societed da musica Samedan.
-
Bild 2 von 13. 1877. Ina da las emprimas fotografias da l'uniun «Harmonie Samedan», dirigent era lura Jakob Danz. Bildquelle: Societed da musica Samedan.
-
Bild 3 von 13. 1899. Bildquelle: Societed da musica Samedan.
-
Bild 4 von 13. 1907. Bildquelle: Societed da musica Samedan.
-
Bild 5 von 13. 1910. Festa chantunala a Tusaun. Sunà en la categoria greva e gudagnà 1. cranz d'arbajas. Dirigent: Jgnaz Wacek. Bildquelle: Societed da musica Samedan.
-
Bild 6 von 13. 1914. Fototime! Dirigent: Jgnaz Wacek. Bildquelle: Societed da musica Samedan.
-
Bild 7 von 13. 1957. Festa federala da musica a Turitg (III. categoria, 1. plaz), dirigent: Ludwig Morell. Bildquelle: Societed da musica Samedan.
-
Bild 8 von 13. 1966. Festa federala da musica ad Aarau. (III. categoria, 1. plaz), dirigent: Ludwig Morell. Bildquelle: Societed da musica Samedan.
-
Bild 9 von 13. 2002. Festa chantunala en Surselva, a Breil. Bildquelle: Societed da musica Samedan.
-
Bild 10 von 13. 2007. Festa chantunala a Scuol. Bildquelle: Societed da musica Samedan.
-
Bild 11 von 13. 2013. Festa chantunala da musica a Cuira. Bildquelle: Societed da musica Samedan.
-
Bild 12 von 13. 2019. Festa chantunala da musica ad Arosa. Bildquelle: Societed da musica Samedan.
-
Bild 13 von 13. 2025. La musica dat ina producziun a l'inscunter da musicas a Silvaplana. Bildquelle: Societed da musica Samedan.
Gino Paganini, dirigent dapi l'onn 2000 e bainbaud 50 onns commember da la Societed da musica Samedan, ha ensemen cun la musicanta Riccarda Müller (clarinetta) dà pled e fatg davart la musica, la vita d'uniun e co ch'els giaudan da far communablamain musica.
En ses onns d'existenza ha la Societed da musica Samedan er organisà intginas festas. Il 1913 e 1972 festas chantunalas ed il 1931 ina festa districtuala. En l'istorgia da l'uniun datti però er anc bleras staziuns impurtantas.
Occurrenzas ils ultims 175 onns
Pir 22 onns suenter sia fundaziun, il 1872, ha lura cumenzà il boom da fundar societads da musica en l'Engiadina. (Il magister pensiunà Curdin S. Brunold ha scrit in cudesch davart l'istorgia ed il svilup da las musicas en l'Engiadina). Bainbaud hai lura er dà l'emprima «festa da musica engiadinaisa», ils 30 da matg 1878 a Zernez ed il 1913 ha la musica da Samedan organisà l'emprima festa chantunala da musica en l'Engiadina.
