Il cudesch en las linguas rumantsch, tudestgs e talian è ina documentaziun cumplessiva da l'istorgia ed il svilup da la scena da musica instrumentala. Ella descriva l'istorgia da las singulas societads da musica, lur fundaziuns, la scolaziun da dirigents e musicants e las festas ch'èn vegnidas organisadas en l'Engiadina.
Dasper descriva Curdin Brunold era l'istorgia da l'Uniun chantunala da musica dal Grischun GKMV, la partiziun dal chantun en ils quatter districts da musica ed il svilup da las festas da musica. Cun grond engaschi ed interess ha l'autur era documentà tuttas festas chantunalas (incl. reglements da festa) cun la partizipaziun da las societads da musica dal district I, las festas districtualas sco er ils curs per dirigents e musicantas e musicants.
In chapitel è era deditgà a la fundaziun e l'istorgia da las diveras musicas da giuvenils ch'i dat en quest district da musica engiadinais – in cudesch interessant che vala la paina da guardar tras.
