Avant paucas emnas ha Ursina publitgà ses album nov «When I Let Go». Sin quel èn sper insaquantas chanzuns englaisas era da chattar «Tut semida». Quai è ina chanzun cun in pau in’autra cumparsa. Ursina è numnadamain influenzada fitg dals tuns melanconics ed in’atmosfera nordica. Tar «Tut semida» ha la chantautura experimentà cun auters grooves e cun differents tempos.
Uschia è reussì ad ella ina chanzun pli sperta e libra dentant senza perder si’atmosfera tipica. Il fanadur sa Ursina uss sa preschentar en ils radios en l’entira Svizra. Dentant, era sch’ella ha pir publitgà ses album nov ed è anc vid promover e preschentar quel, ha ella gia el chau ulteriuras chanzuns per in proxim album.
Dapli tar l’album «When I Let Go» ch’è cumparì l’avrigl 2021 pudais leger qua:
L'unitad fa la forza! Ils quatter radios SRF3, Couleur 3, Rete Tre e RTR scuvran e promovan mais per mais ina nova chanzun svizra. Las redacziuns da musica da RTR, RSI, RTS e SRF preschentan communablamain musica ch'ha attratg l'attenziun da las redacziuns. E quai exclusivamain per chanzuns, ch'èn da chattar sin mx3.ch, il link avra en ina nova fanestraavrir en il browser.