Ils exempels musicals per l'ensemble eran per Armin Caduff en spezial ils gronds cumponists talians Rossini e Verdi. Quels ha sper la grondiusa musica er giudì la cumpagnia ed il plaschair da festa. Uschia han Armin Caduff e sias chantaduras e ses chantadurs creà ses concept da success per exempel cun «La cena è pronta», preschentaziuns chanticas durant mangiar. Quest concept funcziuna fin oz.
Anc oz ha la Compagnia Rossini blers engaschis ad occurrenzas festivas, saja quai en la Bassa u en il Grischun. En lur program chantan els betg mo ovras classicas or da operas mabain era adina puspè chanzuns rumantschas.
Rumantsch – in punct fix en il program
Armin Caduff na tralascha en ses programs da concert betg sia lingua materna. Sco el di, haja el adina vulì resguardar ils idioms e perquai er integrà chanzuns da poets da las autras regiuns linguisticas dal Grischun. Uschia ha el per exempel er arranschà chanzuns da Peder Cadotsch u Men Rauch. Magari translatescha el er texts or dal talian en sursilvan u ch'el creescha gist sez in text original. Magari cumpona el er chanzuns sin giavisch da las chantaduras ed ils chantadurs da la Compagnia Rossini. Uschia per exempel «Neu e pren mei en la bratscha» u «En in vitg alpin».
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
