Siglir tar il cuntegn

Header

audio
Dormi bel Bambin
Or da Artg musical dals 18.12.2022. Maletg: mad
laschar ir. Durada: 59 minutas 51 Secundas.
cuntegn

Artg musical Dormi bel bambin

Sut la direcziun dal giuven dirigent Marco Amherd ha il Schweizer Vokalkonsort registrà in nov disc cumpact cun il titel «Dormi bel Bambin». Il disc cumbinescha «truvaglias» musicalas or da tuttas quatter regiuns linguisticas da la Svizra cun ovras da la romantica tudestga. Sper rumantsch, franzos, tudestg e talian hai sin quest disc era chanzuns en latin.

L'album vul schlargiar il repertori usità e dar la pussaivladad d'in autra perspectiva sin la musica svizra, uschia èsi scrit en il booklet. E la schelta da chanzuns è varianta ed interessanta. In vair regal da Nadal.

Il Schweizer Vokalensemble è vegnì fundà il 2018 da Marco Amherd cun l'intenziun da preschentar raritads canticas, chanzuns che pon far la punt tranter musica veglia e nova. Uschia datti tranter auter da tadlar numerusas ovras da cumponistas e cumponists svizzers, sco per exempel Gion Antoni Derungs, Julia Schwartz, Carl Rütti, André Sala, Peter Appenzeller u er André Ducret.

RTR Artg musical 15:00

Artitgels legids il pli savens

Scrollar a sanestra Scrollar a dretga