In scopo principal da l'Uniun La chanzun rumantscha è da promover la chanzun da chors. Quai fa ella tranter auter cun organisar mintga trais onns il Festival da la chanzun rumantscha. Ina part dal festival è ina concurrenza da cumposiziun. Uschia vul l'uniun animar e motivar cumponistas e cumponists da scriver novas chanzuns rumantschas. A l'emprim Festival da la chanzun rumantscha 2019 a Trun ha la giuria gì da giuditgar 35 cumposiziuns novas e decider, tgeninas 12 che vegnan en il final.
Per il segund festival èn vegnidas inoltradas 52 cumposiziuns novas. Mintgamai quatter en las categorias: chor d'uffants, chor viril e chor maschadà han chattà la via en il final. L'Artg musical preschenta tuttas chanzuns dal final sco era las chanzuns che han gudagnà ils premis da la giuria e dal public.
La giuria cun Armon Caviezel (Baar ZG), Norbert Karlen (Sierre VS) e Michael Schläpfer (Son Gagl) han fan la schelta e decidì tge 12 chanzuns che tutgan en il final.
