Siglir tar il cuntegn

Header

video
Concurrenza da la chanzun rumantscha a Zuoz
Or da RTR musica dals 03.07.2022.
laschar ir. Durada: 1 minuta 16 Secundas.
cuntegn

Il terz di a Zuoz La concurrenza da cumposiziun

A Zuoz èn sa rimnads chors, musicistas e musicists, amaturs ed amaturas da la chanzun rumantscha per celebrar la lingua e musica materna.

Program per dumengia

L’ultim di al festival da la chanzun rumantscha a Zuoz ha cumenzà gia baud puspè cun chant en baselgia San Luzi. Durant il di hai lura dà puspè chant spontan a Zuoz da diversas furmaziuns. Il punct culminant è dentant stada la concurrenza da cumposiziun cun trais chors ad hoc che han preschentà las cumposiziuns en las categorias chors virils, chors maschadads e chors d’uffants e giuvenils. Cun la rangaziun e l’act final è lura ì a fin quest festival vers saira.

video
La chanzun rumantscha preferida
Or da RTR Social dals 02.07.2022.
laschar ir. Durada: 2 minutas 44 Secundas.

Concurrenza dominada dals umens

In dals puncts culminants dal festival da la chanzun rumantscha a Zuoz è la concurrenza da cumposiziun la dumengia suentermezdi, organisada da l'Uniun da la chanzun rumantscha. 52 cumposiziuns èn vegnidas inoltradas per la concurrenza. I vegn a dar in cumbat en ina bastiun virila.

audio
Giusep G. Decurtins davart la concurrenza da cumponer
ord Actualitad dals 02.07.2022.
laschar ir. Durada: 3 minutas 18 Secundas.

Fascinaziun per la segunda ediziun

Il president da l’Uniun da la chanzun rumantscha, Clau Scherrer è tut intgantà da la purschida variada al Festival da la chanzun rumantscha Zuoz. Quella sa differenzieschia da quella ch’era vegnida organisada a Trun durant l’emprima ediziun dal 2019.

video
La chanzun rumantscha – tranter tradiziun ed innovaziun
Or da Cuntrasts dals 03.07.2022.
laschar ir. Durada: 25 minutas 7 Secundas.
audio
Clau Scherrer ha grond plaschair
ord Actualitad dals 02.07.2022.
laschar ir. Durada: 1 minuta 55 Secundas.

Suns e tuns en l'emissiun «Artg musical»

Ils numerus concerts dal Festival da la chanzun rumantscha a Zuoz, vegni a dar er per tadlar pli tard. Sco ch’il redactur da musica dad RTR, Hugo Schär declera, datti pliras emissiuns ils proxims mais per laschar reviver ils dis da festa en l'Engiadina.

audio
Tut ils concerts tar Artg musical
ord Actualitad dals 02.07.2022.
laschar ir. Durada: 3 minutas 36 Secundas.

Tge chaussas !

Il secretari da la Lia Rumantscha, Diego Deplazes ha tutgà la noda ed engiavinà l'endretg chavazzin live durant il Festival da la chanzun rumantscha a Zuoz. La chaussa tschertgada era: Il plektron – il guaffen per stimar la ghitarra.

audio
Diego Deplazes ha gudagnà «Tge chaussas!» live da Zuoz
ord Actualitad dals 02.07.2022.
laschar ir. Durada: 7 minutas 42 Secundas.

Ultima emprova avant il concert dal Cor Proget 22

Las chantaduras ed ils chantadurs dal Cor Proget 22 han exercità anc ina giada lur quatter chanzuns avant che preschentar ellas avant public. Sut la batgetta da Curdin Lansel han els anc glimà vid pitschens detagls.

video
Ultima emprova dal Cor Proget 22
Or da RTR musica dals 03.07.2022.
laschar ir. Durada: 49 Secundas.

Chantar en furmaziuns spontanas

Il star da cumpagnia durant il Festival da la chanzun rumantscha ha era funcziunà en las giassas da Zuoz. Uschia per exempel a Chaunt da Luf cun AC@G – la furmaziun cun Angelo Andina, Luis Cagienard e Nina Grass.

video
Chants spontans en giassas
Or da RTR musica dals 03.07.2022.
laschar ir. Durada: 3 minutas 33 Secundas.

Sul sulet cun ghitarra

Entant che la gronda part da la glieud ha tadlà ils concerts da la concurrenza en baselgia San Luzi, ha Martin Maier da Turitg procurà per trategniment en la tenda. Cun sia ghitarra en maun ha el chantà chanzuns rumantschas. Il text pront sin il visur davant el.

video
Martin Maier cun sia ghitarra
Or da RTR musica dals 03.07.2022.
laschar ir. Durada: 1 minuta 14 Secundas.

La festa va a fin

Entant ch’i vegn fatg urden a Zuoz, han ils commembers dal Cor viril Guardaval da Zuoz anc temp da chantar a tut pudair tranteren ina chanzun da cumpagnia. Er per els ina finiziun d’ina fin d’emna plain chant, musica e bels inscunters.

video
Chant final dals umens da Zuoz
Or da RTR musica dals 03.07.2022.
laschar ir. Durada: 1 minuta 23 Secundas.

Billantscha

Quai èsi stà dal Festival da la chanzun rumantscha a Zuoz. La billantscha è da tuttas varts positiva. Qua suondan anc dapli impressiuns da quests dis.

video
Ils segund Festival da la chanzun rumantscha a Zuoz è stà in success
Or da sil punct dals 04.07.2022.
laschar ir. Durada: 2 minutas 23 Secundas.

Il chant liber suenter la gara

Inscunters hai dà numerus durant ils trais dis dal Festival da la chanzun rumantscha. Saja quai durant ils concerts en baselgia, dentant er suenter cun star da cumpagnia. Barbara Camichel ha dirigì il chant liber il venderdi saira.

audio
Barbara Camichel ha dirigì il chant liber
ord Actualitad dals 02.07.2022.
laschar ir. Durada: 37 Secundas.

Fatschas rientas dapertut

Ils chantadurs e las chantaduras dals differents cors han giudì la fin d'emna. Surtut suenter onns cun pli pauc chant. Ina dad ellas Annigna Kenedy, presidenta dal cor maschedà da Zuoz.

audio
Annigna Kenedy, presidenta dal chor maschadà da Zuoz è cuntenta
ord Actualitad dals 02.07.2022.
laschar ir. Durada: 3 minutas 26 Secundas.

Da la glisch a la glisch

Il proxim Festival da la chanzun rumantscha vegn ad avair lieu en Val Lumnezia. Durant l'act final è la festa vegnida surdada ufficialmain al president communal Daniel Solèr. Gia a Zuoz era la Val Lumnezia dentant represchentada bain cul cor viril Val Lumnezia. Els han chantà en baselgia ma era en la tenda da festa sin plaz a Zuoz.

audio
Proxim festival da la chanzun rumantscha è en Val Lumnezia
ord Actualitad dals 02.07.2022.
laschar ir. Durada: 3 minutas 36 Secundas.

E tge resta – suenter trais dis festival da la chanzun rumantscha?

Per il president dal comité d'organisaziun Curdin Lansel restan surtut bellas regurdientschas che tunan. Guardand enavos saja el stà surprendì da tut il plaschair, da tut la glieud che saja vegnida a Zuoz e da tut la fascinaziun che saja avant maun per la chanzun rumantscha. El saja cuntent d'avair pudì dar puspè in pau oxigen al chant rumantsch suenter ils onns difficils durant la pandemia.

audio
Billantscha positiva da Curdin Lansel
ord Actualitad dals 02.07.2022.
laschar ir. Durada: 4 minutas 34 Secundas.

RTR actualitad

Artitgels legids il pli savens

Scrollar a sanestra Scrollar a dretga