Siglir tar il cuntegn

Header

video
Festival chanzun rumantscha a Zuoz: la situaziun actuala dal chant rumantsch
Or da Telesguard dals 01.07.2022.
laschar ir. Durada: 9 minutas 4 Secundas.
cuntegn

L’emprim di a Zuoz Culp da partenza

A Zuoz sa rimnan questa fin d’emna chors, musicistas e musicists, amaturs ed amaturas da la chanzun rumantscha per celebrar la lingua e musica materna.

Er sche l’aura na sa mussa anc betg da sia pli bella vart è Zuoz pinà per il festival da la chanzun rumantscha. Il program cumenza cun chant liber en furmaziuns spontanas sin las plazzas da la vischnanca. Las 18:00 vegn il festival lura lantschà uffizialmain cun la festa d’avertura e concerts dal «Cor Parc Naziunal» e «las Filomelas» en baselgia. Pli tard la saira suondan concerts dal «cor masdo da Zuoz», «ils Grischs» e da «la Cumbricula». Il di vegn lura serrà cun chant avert e la vernissascha dal nov cudesch da l’Uniun dals Grischs.

audio
«Nossa chanzun» dad Alfons Clalüna e Curdin Lansel
ord Actualitad dals 01.07.2022.
laschar ir. Durada: 2 minutas 13 Secundas.

Nossa chanzun

In festival da chant senza chanzun da festival fiss mo in mez festival. Quella per il festival da la chanzun rumantscha porta il titel «Nossa chanzun». Il text vegn or da la plima dad Alfons Clalüna, la melodia ha scrit Curdin Lansel. Quai durant la pandemia cura ch'el aveva temp la saira. Il cumponer haja durà trais u quatter mais. Previs è che «Nossa chanzun» vegn chantada adina puspè durant il festival, davent da l'avertura il venderdi enfin tar l'act final la dumengia. Tut ils chors che sa participeschan al festival han survegnì las notas oravant ed ellas èn era publitgadas sin la pagina d'internet.

Impressiuns da l'emprim di da festa

Plaun plaunet è s'emplenida la plazza da scola cun giasts, indigens, chantaduras e chantadurs da differents chors, tuts pronts per l’avertura uffiziala dal Festival da la chanzun rumantscha 2022 a Zuoz.

audio
Festival chanzun rumantscha: la festa cumenza
ord Actualitad dals 01.07.2022.
laschar ir. Durada: 2 minutas 20 Secundas.

Entant ch’i vegn gia fatg via sin trais dis chant e festa, vegn anc glimà e drizzà en ils ultims detagls en la baselgia San Luzi. Las registraziuns cun tun e maletg pretendan ina gronda disciplina.

audio
Festival chanzun rumantscha: Tge capita en la baselgia San Luzi?
ord Actualitad dals 01.07.2022.
laschar ir. Durada: 3 minutas 23 Secundas.

Curt avant l'act uffizial èn sa radunads bun 70 umens dal Chor viril Parc Naziunal Svizzer per chantar lur chanzuns, circumdads d’ina pluna persunas ch’èn vegnidas express per quel concertin sin Plaz a Zuoz.

audio
Festival chanzun rumantscha: impressiuns e program da la saira
ord Actualitad dals 01.07.2022.
laschar ir. Durada: 3 minutas 32 Secundas.

Act d'avertura

Il president da l'organisaziun dal festival da la chanzun rumantscha Curdin Lansel beneventa tuttas e tuts al festival. Grond e pitschen, giuven e vegl chantan las chanzuns ch'els han exercità durant mais.

audio
Festival chanzun rumantscha: Act d'avertura – suns e tuns
ord Actualitad dals 02.07.2022.
laschar ir. Durada: 2 minutas 26 Secundas.

RTR actualitad

Artitgels legids il pli savens

Scrollar a sanestra Scrollar a dretga