Gia per la 13avla giada è Basilea daventà il center da chant internaziunal cun il Festival europeic da chors da giuventetgna. Divers chors da giuvenils ord l'entira Europa èn s'inscuntrads en la citad al Rain per chantar ed inchantar. L'Artg musical porta il concert «Tricolore» da gievgia, ils 18 da matg 2023 en il Münster a Basilea.
Ils trais chors da giuvenils naziunals da la Frantscha (Choeur des Jeunes de France), da l'Irlanda (Irish Youth Choir) e da la Svizra (Chor da giuvenils Svizzer) han preschentà avant ina baselgia plaina lur pli bellas ovras ord lur repertori.
Tadlai nossas pli novas registraziuns, intervistas cun cumponists ed istorgias da davant e davos ils palcs da concert.
Per pudair abunar quest podcast duvrais Vus ina software cumpatibla cun podcast u ina app. Sche Vossa app n'è betg en la glista sura, lura pudais copiar la feed URL manual en Vossa app da podcast u software.
