Siglir tar il cuntegn

Header

audio
JBOG e JBBG – duas musicas giuvenilas chantunalas
Or da Artg musical dals 14.08.2022.
laschar ir. Durada: 1 minuta.
cuntegn

Artg musical JBOG e JBBG – duas musicas giuvenilas chantunalas

La Jugend Brass Band Graubünden (JBBG) ed il Jugend Blasorchester Graubünden (JBOG) fan dapi blers onns mintgamai durant la stad in champ da musica per musicantas e musicants giuvens. Durant in'emna exerciteschan ils giuvenils in program da concert e lavuran vi da lur svilup persunal. Musicistas e musicists da professiun as sustegnan e dattan cussegls. Ina lavur impurtanta er per las societads da musica da l'entir chantun Grischun sco er per la cultura da musica insumma.

JBOG

L'Orchester d'instruments a flad da giuvenils Grischun è ina furmaziun d'armonia (instruments da lain e da sturs). Il 1991 ha l'Uniun chantunala da musica (GKMV) inizià l'emna per musica da giuvenils. Or da quai è sa sviluppà il JBOG e dapi lura s'inscuntran mintg'onn giuvnas e giuvens tranter 14 e 25 onns per far communablamain musica, preparar in concert e giudair la cumpagnia cun auters giuvenils che han il medem hobi.

JBBG

Era la Brass Band da giuvenils grischuna sa cumpona da giuvnas e giuvens tranter 12 e 25 onns ed ha la finamira da sustegnair els durant in'emna champ en lur svilup musical. Ella exista dapi il 1988 ed è vegnida fundada d'intgins dirigents ed aderents da la musica da sturs. Las emnas sut la batgetta da vairas capacitads internaziunalas ed ils success a concerts finals e concurrenzas èn memorias nunemblidaivlas per ils giuvenils.

En l'Artg musical ed en l'emissiun «L'instrumentala» (dals 10-08-2022) s'occupain nus cun questas furmaziuns.  

En il Grischun datti dentant anc ina terza pussaivladad per giuvnas e giuvens musicants: Il JUSI, l'Orchester sinfonic da giuvenils grischun. Er quel exista dapi blers onns e funcziuna sumegliant sco ils champs da JBOG ed JBBG. Il JUSI fa però l'emna da champ durant las vacanzas d'atun.

Artg musical 14:00

Artitgels legids il pli savens

Scrollar a sanestra Scrollar a dretga