Siglir tar il cuntegn

Header

audio
Registraziuns a Flem e Zernez: musica populara
Or da Artg musical dals 21.05.2023. Maletg: RTR
laschar ir. Durada: 59 minutas 22 Secundas.
cuntegn

Artg musical Nossas registraziuns a Flem e Zernez

Il mars e l'avrigl han plirs chors, musicas e chapellas nizzegià la purschida da RTR per registraziuns da tun e maletg. L'Artg musical porta durant duas uras ina selecziun da questas registraziuns.

Radiotelevisiun Svizra Rumantscha vul adina puspè actualisar e cumplettar ses archiv da musica. Uschia ha RTR purschì quest onn als chors, a las musicas instrumentalas ed a las furmaziuns da musica populara dal Grischun la pussaivladad da registrar diversas cumposiziuns. L'idea è che la tecnica da tun e maletg da RTR s'installescha en ina localitad (baselgia, halla, etc.) e las furmaziuns vegnan là per far las registraziuns. La dumonda per las duas fins d'emna a Flem (baselgia refurmada) ed a Zernez (halla da gimnastica) è stada gronda. Er grazia a la flexibladad da pliras furmaziuns èsi stà pussaivel da realisar en tut 86 registraziuns da chanzuns e tocs da musica da 35 furmaziuns.

Furmaziuns da musica populara

Grond è l'interess per far registraziuns stà tar diversas furmaziuns da musica populara. Da l'entir chantun èn arrivadas las annunzias e legraivlamain er furmaziuns da tuttas generaziuns. En la baselgia refurmada a Flem ha RTR pudì registrar set chapellas (cun total 16 tocs) ed en la halla da gimnastica a Zernez han 12 furmaziuns registrà en total 33 tocs.

Chors

L'idea da RTR è stada da porscher quest onn registraziuns a chors giudim la Surselva e registraziuns per musicas instrumentalas en l'Engiadina. Il motiv: RTR registrescha quest onn gia las producziuns a la festa districtuala da musica a Val (Surselva) e las producziuns a la festa districtuala da chant a Müstair. Per Flem èn uschia s'annunziads 12 chors (sis chors maschadads, quatter chors virils e dus chors da dunnas). Da quests chors avain pudì registrar 28 chanzuns.

audio
Registraziuns a Flem e Zernez: Chors e musicas
ord Artg musical dals 21.05.2023. Maletg: RTR, Hugo Schär
laschar ir. Durada: 57 minutas 42 Secundas.

Musicas instrumentalas

Malgrà che RTR ha empruvà d'eleger in termin adattà per las musicas instrumentalas en l'Engiadina han deplorablamain be quatter societads pudì nizzegiar la chaschun. Er questas, sco era tut ils chors e las chapellas, han gì grond gust e plaschair da far musica avant las cameras ed ils microfons da RTR.

Emissiuns da radio cun las registraziuns:

Artg musical (21-05-2023)

audio
Registraziuns a Flem e Zernez: musica populara
ord Artg musical dals 21.05.2023. Maletg: RTR
laschar ir. Durada: 59 minutas 22 Secundas.
audio
Registraziuns a Flem e Zernez: Chors e musicas
ord Artg musical dals 21.05.2023. Maletg: RTR, Hugo Schär
laschar ir. Durada: 57 minutas 42 Secundas.

Noss chors (18-04-2023)

audio
Nossas registraziuns a Flem
ord Noss chors dals 18.04.2023. Maletg: RTR
laschar ir. Durada: 1 minuta 1 Secunda.

RTR Artg musical 14:00

Artitgels legids il pli savens