Siglir tar il cuntegn

Header

audio
Nostalgic Brass
Or da Artg musical dals 20.08.2023. Maletg: Nostalgic Brass
laschar ir. Durada: 57 minutas 11 Secundas.
cuntegn

Artg musical Nostalgic Brass

L'onn 2008 èn 12 umens dal chantun Argovia sa mess ensemen ad ina furmaziun d'instruments da sturs che fan musica tradiziunala: Nostalgic Brass. Els sa preschentan en vestgadira tradiziunala, per part istorica e sunan er per part sin instruments da noss antenats. Il repertori da la furmaziun è musica tradiziunala (marschs, polcas), semperverds ed er hits actuals or dal mund da la musica da rock e pop u da la parada da hits.

Il zercladur 2023, a chaschun da la Festa districtuala a Claustra, han els divertì il public cun lur show musicala, garnida cun moderaziuns legras e magari cun acziuns spontanas durant sunar. Uschia han els fascinà il public er a Claustra ed han la finala anc pudì (stuì) sunar in u l'auter supplement.

La furmaziun:
trumbetta: Flavio Killer, Oliver Huwiler, Pascal Hauser, Sascha Rudolf
corn: Fabian Huber
eufoni: Florian Weibel
posauna: Guido Staudacher, Matthias Muri, Stefan Huwiler
sousafon: Philipp Rohner
battaria: Dominic Fischer
percussiun: Adrian Widmer

12 Männer in nostalgischer Kleidung
Legenda: Nostalgic Brass Flavio Killer

Cunquai ch'in dals posaunists (Matthias Muri) n'ha betg pudì vegnir a Claustra è Simon Bühler, il magister da musica e dirigent da la Musikgesellschaft Klosters-Madrisa, siglì en ed ha remplazzà Muri.

RTR Artg musical 14:00

Artitgels legids il pli savens