Siglir tar il cuntegn

Header

in chor masda
Legenda: Il cor masdo da Bever cun la dirigenta Amarilli Fritz-Andina MAD
cuntegn

Bever Il cor masdo da Bever – la fin suenter 50 onns

Fundà il 1967 – ed il 2018 èsi stà a fin.

En Grischun datti actualmain 125 chors cun 4'131 chantaduras e chantadurs, i dat chors novs ma er da quels che smettan. In da quels è il cor masdo da Bever. En la vischnanca cun var 600 abitantas ed abitants è quel stà activ fin avant dus onns. L'ultim aveva el var 20 chantaduras e chantadurs, giuvens e vegls, umens e dunnas – in chor maschadà en il vair senn dal pled.

Las ragischs dal cor

Gia il 1850 hai dà a Bever in chor da baselgia, pli tard in chor da dunnas – ed il 1967 è vegni fundà il chor maschadà. Ses emprim dirigent è stà Peider Nogler, lura èn seguids Pol Clo Nicolay, Jost Fallett, e sco ultima dirigenta Selina Bontognali che ha manà il cor durant 7 onns fin il 2018.

il cor masdo da Bever
Legenda: Il cor masdo da Bever cun il dirigent Pol Clo Nicolay MAD

Avant, il 1995-2008, ha dirigì Amarilli Fritz-Andina il cor masdo da Bever, e l’incumbensa da tgirar ina furmaziun en ina pitschna vischnanca cun 600 abitantas ed abitants è ina sfida:

audio
Mantegnair in chor - ina sfida
00:18 min, Musica dals 08.07.2020.
laschar ir. Durada: 00:18 minutas.

Il dirigent e la dirigenta sco locomotiva

audio
La dirigenta sco locomotiva
00:13 min, Musica dals 08.07.2020.
laschar ir. Durada: 00:13 minutas.

Ed er impurtants èn ils curs da diriger da l'uniun da chant Grischuna che procuran per dirigentas e dirigents per ils chors.

Per avair chantaduras e chantadurs – tar il cor masdo da Bever eran quai adina tranter 15 e 30 – dovri persunas che chantan gugent ed anc in autra motivaziun:

audio
Animar chantaduras e chantadurs
00:24 min, Musica dals 08.07.2020.
laschar ir. Durada: 00:24 minutas.

Il cor masdo da Bever è lura er sa participà savens a festas da chant, uschia a Müstair, Zernez, Vicosoprano, Samedan ed Ardez.

La fin dal cor masdo da Bever

Ils 3 da schaner 2018 èsi lura stà a fin cun il cor masdo da Bever

audio
La fin dal cor masdo da Bever
00:23 min, Musica dals 08.07.2020.
laschar ir. Durada: 00:23 minutas.

Activitads per la vita culturala en vischnanca

Il cor masdo da Bever ha er enritgì durant tut ils onns la vita culturala, cun sairadas da trategniment cun teater, concerts, chant da Silvester ubain sut las fanestras ed er activitads per chantaduras e chantadurs.

audio
L'impurtanza per la vita culturala
00:18 min, Musica dals 08.07.2020.
laschar ir. Durada: 00:18 minutas.

RTR actualitad 11:00

Artitgels legids il pli savens

Scrollar a sanestra Scrollar a dretga