EMF 2026 - Falera è campiun

Sulegl, tschiel bunamain blau, ed in pau plievgia. Malgrà che l'aura n'era betg perfetga mintga di, pareva Son Pieder d'avair buna luna e plaschair da la Festa federala da musica.

Ils passa 22'000 musicants e musicantas han fatg or da Bienna ina vaira citad da musica. E betg be quels ch'han fatg musica han para giudì la festa. Las vias enturn la Place de l'Esplande èn plainas da glieud. La populaziun giauda da flanar ed ir a spass e tadlar la musica.

431 videos per guardar suenter

Avrir la box Serrar la box

La festa da musica a Bienna è passada – las regurdientschas restan. RTR ha rimnà ina massa impressiuns ed emoziuns da Bienna per guardar suenter. Tut las registraziuns da la festa da musica federala chattais Vus sin rtr.ch/play

Sin Playfestas èn las producziuns da concurrenza da tuttas musicas grischunas er publitgadas. Vitiers er las producziuns da musicas da la Bassa cun in dirigent rumantsch.

EMF26 – 17-05

Las musicas grischunas

Sco tar mintga festa da musica vai magari meglier, magari in zic mender. Er tar las furmaziuns grischunas è quai stà il cas a Bienna. Buna raschun da far festa ha la Societad da musica Falera ch'ha fatg ils pli blers puncts en sia categoria (3. classa/brass) cun 194 da 200 puncts pussaivels. Ina prestaziun che lascha era spluntar il cor dal dirigent Duri Cathomen.

Era persvadì han la Musica dals cadets da la Scola chantunala Cuira. Ses dirigent Gian Stecher ha furmà in'unitad. Las 16 musicantas e musicants han persvadì ed er la giuria ha mussà grond plaschair.

Er la musica da project da l'Engiadina, l'Uniun musicala Engiadina, ha mussà ch'era in tal project «temerari» po gartegiar. Cun be paucas emprovas ha la musica cun 70 persunas cuntanschì en sia categoria plazza trais da tschintg. Cun 90 puncts en il toc da pag han els schizunt fatg ils pli blers puncts en questa categoria.

La sonda è stà in di emoziunal per els. Suenter la producziun davant la giuria è il levgiament stà uschè grond ch’igl ha era dà larmas. Suenter la concurrenza da marsch cun 10 binderas da las differentas uniuns da l’Engiadina è vegnì fatg festa.

Il 2031 ha lieu la 36avla festa federala da musica en la Val dal Rain songagliaisa, lura per l'emprima giada a moda decentrala. Forsa han lura pli bleras societads da musica dal Grischun il gust da sa participar.

Marschar da las musicas grischunas

Tut ils videos dal marschar chattais vus sin rtr.ch/emf26. Qua giusut suondan anc intginas descripziuns ed impressiuns dals singuls dis.

Era Rumantschs en la Bassa sa legran

La festa federala da musica a Bienna ha era procurà per blers muments da plaschair per Rumantschas e Rumantschs en la Bassa. Uschia per exempel er tar la «Musikgesellschaft Konkordia» dad Aedermannsdorf (SO) che ha gudagnà en la categoria da Brass Band (2. classa) cun 191 puncts (95 en il toc da pensum e 96 en il toc da patg) il titel da campiun svizzer. Il dirigent da l'uniun è il Grischun Rafael Camartin, oriund da Breil. Vitiers han els er gudagnà la concurrenza da marschar la sonda cun 95 puncts (maximal pussaivel èn 100).

Dumengia, 17-05

In punct culminant da la dumengia è segiramain la concurrenza tranter las societads en la categoria armonia, classa excellenta. Gia ier saira han la Société de musique La Gérinia Marly, il Corps de Musique La Landwehr Fribourg, la Stadtharmonie Zürich Oerlikon-Seebach, il Sinfonisches Blasorchester Bern (cun Rafael Camartin in dirigent rumantsch), la Stadtmusik St. Gallen ed il Symphonisches Blasorchester Kreuzlingen avert la concurrenza.

Quest di cuntinuescha quella cun il Blasorchester Stadtmusik Luzern, la Civica Filarmonica di Lugano, la Feldmusik Sarnen, La Concordia Fribourg ed il Blasorchester Siebnen. Igl è ina concurrenza da las meglras furmaziuns da musica instrumentala en Svizra e fullas d'aderentas ed aderents da musica instrumentala han vulì tadlar. Las colonnas da spetga avant la sala da congress èn stadas lungas.

Resultats

Sonda, 16-05

Sonda è per uschè da dir il di grischun a Bienna. Las bleras da las 14 furmaziuns dal chantun Grischun vegnan a Bienna a sa preschentar avant la giuria. L'emprima è stada la Musica Instrumentala Savognin e curt avant mezdi è er sa preschentada l'Uniun musicala Engiadina. Il suentermezdi suondan lura MG Madrisa Klosters Dorf, la Stadtmusik Chur, MG Alpenrösli Safien, lura las musicas da Trun, Jenaz e Domat.

EMF26 – 16-05

E danovamain datti fullas da glieud, probabel er perquai ch'igl ha dà finalmain pli lungas fasas cun sulegl. Sin las vias datti bler pievel, quai che legra segiramain er ils numerus manaschis da mangiar per lung las vias sco er en la tenda principala sin la Place de l'Esplanade.

Er al terz di da festa attira la concurrenza da marschar in massada glieud che na giaudan betg mo ils marschs e las furmaziuns mabain er la bella e pacifica atmosfera da festa. Entant hai la saira era anc pluvì ina giada e pervi d'in urizi ha l'organisaziun schizunt rut giu la concurrenza e laschà liber a las societads da marschar. Quellas che marschan tuttina na vegnan betg giuditgadas e valetadas. E las musicas che marschan tuttina meritan grond respect per questa tenuta.

Resultats

Venderdi, 15-05

Er quest di è blera glieud vegnida a Bienna per tadlar e guardar las diversas societads da musica en acziun. Betg mo aderentas ed aderents da «lur» societad da musica mabain er per giudair l'atmosfera da festa. In'attracziun speziala a mintga festa è natiralmain er a Bienna la concurrenza da marschar. Per questa vala era quest di: avair pacienzia e fortuna. L'aura resta variabla cun plievgia e vent. Il comité d'organisaziun ha perquai danovamain definì blocs da temps per restar flexibels e decider a curta vista sche la concurrenza po avair lieu u betg. Ed er Son Peder ha manegià bain cun l'organisaziun. Igl ha strusch pluvì durant la concurrenza da marschar.

EMF26 – 15-05

En la sala da congress datti d'udir la categoria da musica da divertiment cun trais differents stgalims da grevezza, stgalim inferiur, mesaun ed aut. Ins pudess er numnar questa categoria la categoria libra nua che las furmaziuns preschentan in program da plirs tocs pli curts, dentant inclus in toc da pensum. En questa categoria, stgalim inferiurs, è er sa preschentada la Musica dals cadets da Cuira cun ses dirigent Gian Stecher. 16 musicantas e musicants inclus il dirigent han persvadì tant public sco giuria.

Resultats

Gievgia, 14-05

L'aura fa ed ha fatg in zic quitads a l'organisaziun. Perquai ch'i plova adina puspè ha il comité d'organisaziun decidì da metter la concurrenza da marschar en plirs blocs e da decider mintgamai in'ura ordavant sch'il bloc po vegnir realisà u betg. Fin questa saira han ins uschia pudì far tut ils blocs da marschar. Enturn las 19:00 hai però cumenzà a plover e per intginas musicas èsi da star mal ch'els han gist en quest mument sunà. Ma els han tuts tegnì la dira e sunà sco sch'i na fiss nagut, er cun bler sustegn dal public. Vus pudais persequitar la concurrenza da marschar er damaun sin il livestream da RTR. Pli tard datti lura era da vesair ils singuls videos da mintga societad da musica.

EMF26 – 13/14-5

Venderdi è l'aura probabel era grond tema. La prognosa n'è betg propi buna, ma cun er far damaun tals blocs da marschar pon ins almain esser in zic flexibel e forsa tanschì uschia er il venderdi che bleras musicas pon marschar e delectar il public che guarda cun grond interess e plaschair las producziun sin las duas vias da marschar.

L'avantmezdi han cumenzà en las totalmain 13 salas da concert las producziuns avant las giurias d'experts. En la sala da congress è en gir la categoria excellenta da las Brass Bands. Sco emprima furmaziun è la MG Risch-Rotkreuz sa preschentada. Ella vegn dirigida d'in Rumantsch: Roman Caprez. Per el è quai l'emprima giada ch'el dirigia ad ina festa federala ina furmaziun da la pli auta categoria.

Resultats

Mesemna, 13-05

In di avant las concurrenzas da musica, la saira las 17:00, ha la festa cumenzà cun ina ceremonia d'avertura. Sper pleds festivs, per exempel da Nadja Günthör (presidenta dal CO) u Luana Menoud-Baldi (presidenta Uniun svizra da musica) hai dà era varsaquantas producziuns da musica. Sco punct culminant è vegnida surdada la bandiera da l'USM al CO dal EMF26. Questa saira datti anc in concert da gala dal Symphonisches Blasorchester des Schweizer Armeespiels. E per las societads da musica participantas cumenzan las concurrenzas gievgia avantmezdi.

EMF26 – Eidgenössisches Musikfest 2026 in Biel

Avrir la box Serrar la box

Zum dritten Mal in ihrer Geschichte – nach 1880 und 1976 – darf Biel ein Eidgenössisches Musikfest durchführen. Das 35. Eidgenössische Musikfest für Blasmusik zählt zu den bedeutendsten musikalischen Grossanlässen der Schweiz und gehört mit rund 22’000 Musikerinnen und Musikern zu den grössten Blasmusikfesten weltweit. Das letzte Musikfest fand 2016 in Montreux statt; die ursprünglich für 2021 geplante Austragung musste pandemiebedingt abgesagt werden.

Während der Festtage rechnet Biel mit rund 100’000 Besucherinnen und Besuchern. Für einen reibungslosen Ablauf sind zahlreiche helfende Hände nötig: etwa 2’400 Freiwillige haben sich gemeldet, um mit ihrem Einsatz zum Gelingen des Anlasses beizutragen und ihn für alle Beteiligten in guter Erinnerung zu behalten.

Mit 550 angemeldeten Musikvereinen verzeichnet das Musikfest einen neuen Rekord. Die teilnehmenden Formationen treten in verschiedenen Kategorien und Stärkeklassen auf und stellen sich den Bewertungen der Jury.

Unter dem Festmotto «Musik verbindet» erwartet das Publikum neben den Wettbewerben ein vielfältiges Rahmenprogramm sowie ein grosses, lebendiges Stadtfest, das Biel während der Festtage ganz in den Zeichen der Musik stellt.

Tocs da pensum

A mintga festa federala da musica han las furmaziuns da preschentar davant ina giuria in toc da patg, che mintga musica po eleger sez ed in toc da pensum che la cumissiun da musica da l'Uniun svizra da musica tscherna. Ils tocs da pensum han las furmaziuns survegnì 10 emnas avant la festa. A Bienna han ellas da sunar las suandantas ovras:

Purschida da RTR e las autras unitads

Natiralmain che RTR na dastga betg mancar ad ina tala festa da musica. RTR filmescha l'entira concurrenza da marschar ed emetta quella sur quatter dis live en il livestream.

Il puls da Bienna curt avant la festa

Podcast Artg musical

L'Artg musical collia la diversitad musicala cun la profunditad schurnalistica. En mintga emissiun discutescha la redactura/ il redactur da RTR ensemen cun ils giasts davart musica da chors, brass, classica e temas actuals or da la scena da musica.

Ulteriurs audios e podcasts