L’ediziun dal 2025 è anc per gronda part en buna memoria e gia stat l'ediziun da giubileum da l’Open Air Lumnezia 2026 a Degen avant porta. Il comité d’organisaziun ha gia durant il december publitgà ils emprims acts e cumenzà cun la prevendita dals bigliets. Las musicistas ed ils musicists dal Line Up èn:
Gievgia a l'Open Air Lumnezia 2026:
-
Bild 1 von 6. Il duo Omisdus sa cumpona dal Grischun Gino Carigiet ed il bernais David Friedli. Els fan musica da pop ed experimenteschan gugent cun differents stils. Bildquelle: Omisdus.
-
Bild 2 von 6. Tinka dal Son Gagl procura per tuns fins da pop. Ella ha baud cumenzà a far musica en chors. Gugent parta ella in pau da sia atgna istorgia en sias chanzuns. Bildquelle: Tinka.
-
Bild 3 von 6. Cimilo ha il 2025 fatg il segund plaz dal final dal bandXost. El fa rap che regorda vid las Liricas Analas – in talent nov da la scena da rap grischuna. Bildquelle: RTR.
-
Bild 4 von 6. Ils tschintg giuvens da Kriesserns en Sogn Gagl han fundà la gruppa Fäaschtbänklers il 2008. Lur musica è en l’intern da chasa en la musica populara dentant cumbinescha differents geners da oberkrainer, pop, tecno fin musica electronica. Sper il far musica è la gruppa era fitg activa en las raits socialas e publitgeschan regularmain videos. Bildquelle: Fäaschtbänkler.
-
Bild 5 von 6. «Sean...da...Paul» – circa uschia cumenzan bleras chanzuns dal dancehall musicist giamaican. Naschì 1973 a Kingston ha el cun 15 retschet ses emprim Keyboard e cumenzà a far musica. Tar ses hits enconuschents s’audan tranter auter «Get Busy», «Temperature» u pli actual collavuraziuns per exempel cun Sia tar «Cheap Thrills». Bildquelle: Keystone.
-
Bild 6 von 6. STVW. Il 2015 ha il DJ STVW cumenzà sia carriera musicala cun publitgar chanzuns sin Soundcloud. Bildquelle: STVW.
Venderdi a l'Open Air Lumnezia 2026:
-
Bild 1 von 7. Ils dus rappers grischuns Aurelius e Sirius na sa preschentan betg per l’emprima giada ed han gia pudì rimnar experientschas durant divers concerts en il Grischun. Bildquelle: Christian Imhof.
-
Bild 2 von 7. La Svizra da 21 onns è stada il 2024 in SRF3 Best Talent, ed avant paucs mais ha ella publitgà ses emprim album. Bildquelle: Milune.
-
Bild 3 von 7. Ensemen cun sia crew la “Vokuhila Mafia” che consista da Astro Burger, ANRU ed Areem Vegn Jule X a l'Open Air Lumnezia 2025. Bildquelle: Aaron Faas.
-
Bild 4 von 7. Il duo bernais s’auda dapi onns tar la mundart crème de la crème ed han 2014 cun l’album «Zucker fürs Volk» procurà per l’emprima giada per lingias grassas. «nullsiatnov» è fin oz anc adina il «hit per rumantsch» cun il pli grond success. Bildquelle: Maximilian Lederer.
-
Bild 5 von 7. L'anteriur chantadur da la gruppa finlandaisa Sunrise Avenue, Samu Haber è dapi bun quatter onns solo sin via. Bildquelle: Keystone.
-
Bild 6 von 7. Actualmain è el in dals pli enconuschents mundart musicists. Il november 2025 ha il bernais da 46 onns emplenì gist trais giadas il Hallenstadion a Turitg. Bildquelle: Keystone.
-
Bild 7 von 7. Il DJ tudestg Niklas Dee concluda il venderdi cun ses set. Dapi insaquants onns fa l’um da 24 onns musica ed inditgescha Calvin Harris ed Avicii sco ses idols. Bildquelle: Niklas Dee.
Sonda a l'Open Air Lumnezia 2026:
-
Bild 1 von 6. Cutting Curves è ina gruppa da Appenzell Dadora che fan indie/alternative Rock. Els han gia duas giadas fatg part d’in final dal bandXost. Bildquelle: Cutting Curves.
-
Bild 2 von 6. Bildquelle: Eileen Siegenthaler.
-
Bild 3 von 6. Splendid sa numna il duo bernais/turitgais che preschentan lur agen stil da musica «Postmodern Mundart». Bildquelle: Flavio Karrer.
-
Bild 4 von 6. Il 2026 è Sens Unik per la terza giada al Lumnezia. Bildquelle: Keystone.
-
Bild 5 von 6. Ils egliers per ir cun skis èn caracteristic per il rapper tudestg Ski Aggu – uschia restia el tuttina in zic anonims. Bildquelle: Keystone.
-
Bild 6 von 6. L’emprim act preschentà per l’Open Air Lumnezia 2026 è la gruppa tudestga «Meute». Ils endisch umens da la «Techno-Marching_Band» da Hamburg fan dapi il 2015 musica. Els arranschan musica da Techno e House da DJs enconuschents e sunan ils tuns normalmain electronics cun instruments da flad. Bildquelle: Wozniak.
Dapli tar ils singuls acts che vegnan a l’Open Air Lumnezia 2026 chattais en la survista sutvart.
Milune
In’ulteriura artista actuala da la musica da pop en Svizra è Milune. La chantautura da 21 onns ha publitgà 2024 si’emprima EP «Rabbit Holes» ed è daventada il medem onn SRF3 Best Talent. Be in onn pli tard ha ella lura era gist publitgà ses album da debut «Hearts Lust». En sias chanzuns discurra ella oravant tut da la sanadad mentala, dal chattar sasezza e da la sexualitad. Sia finamira è da crear in «safe space» per carstgauns giuvens, in lieu da s’inscuntrar e d’esser datiers ina a l’auter.
Eileen Alister
La chantautura da 22 onns Eileen Alister è creschida si a Turitg. Sco blers acts actuals ha ella cumenzà sia carriera musicala cun publitgar covers da chanzuns sin las raits socialas. Uschia è ella vegnida scuverta d’in producent svizzer. 2024 è ella sa preschentada durant si’emprima turnea da festivals. Tranter auter ha ella sunà là avant l’act internaziunal Hozier avant bun 5000 persunas. Ina nova staila da la musica da pop en Svizra ch’empermetta bler.
Splendid
Tge è “postmodern Mundart”? Quai è la musica ch’il duo bernais/turitgais Splendid fa. Lur musica tanscha da covers da Polo Hofer fin autotune vocals maschadà cun diversas ghitarras. Michael Egger (Jeans for Jesus) e Levin Dennler (producent da tranter auter Stereo Luchs, Leila e Trettmann) fan musica ensemen cun Naiara Barzola Balmer, Rico Baumann, GIanna Bollinger e Niklas Stettler – ina maschaida da commembers da diversas furmaziuns svizras.
STVW
Punk-Rave da la Germania datti cun il DJ STVW. Steve W co ses num vegn pronunzià collia EDM cun elements dal pop-punk e rock. Cumbinà cun ina ghitarra electrica ed in battarist è el sin turnea sin l’entir mund. 2015 ha el cumenzà sia carriera musicala cun publitgar chanzuns sin Soundcloud. L’emprim grond success ha el gì 2021 cun «Heartbreak» e «Time Capsule».
Sean Paul
«Sean...da...Paul» – circa uschia cumenzan bleras chanzuns dal musicist giamaican. Naschì 1973 a Kingston ha el cun 15 retschet ses emprim Keyboard ed uschè cumenzà a far musica. Tar ses hits enconuschents s’audan tranter auter «Get Busy», «Temperature». Actualmain realisescha el differentas collavuraziuns, per exempel cun Sia tar «Cheap Thrills». Dal reminent sa referescha sia frasa da l'entschatta da sias chanzuns «Sean...da...Paul» sin il giugader da crichet Shivnarine Chanderpaul.
Jule X
Cun Jule X vegn in ulteriur act da la scena da rap bernaisa a l’Open Air Lumnezia 2026. Ils ultims trais onns è el s’etablì en Svizra cun chanzuns sco «Dr DJ isch», «Zistig» ubain «Nur es Wort» è divers concerts. En sia curta carriera ha el gia publitgà duas EPs: 2024 «Aztäpop» e 2025 «Antistyle». Ensemen cun sia crew la «Vokuhila Mafia» che consista dad Astro Burger, ANRU ed Areem ha el dà concerts a divers festivals svizzers.
Lo & Leduc
Il duo bernais tutga dapi onns tar la crème de la crème da la musica da mundart. Cun l’album «Zucker fürs Volk» (2014) han els procurà per l’emprima giada per lingias grassas. Durant lur ultim concert a Degen il 2022 han Lorenz Häberli e Luc Oggier gì plitost discletg. Amez lur concert hai dà in’interrupziun d’electricitad e pli tard han els ord motivs da segirtad stuì rumper giu cumplettamain lur show. Suenter quai han els directamain annunzià da turnar a Degen per far endretg festa. «nullsiatnov» è fin oz anc adina il «hit per rumantsch» cun il pli grond success.
Fäaschtbänkler
Ils tschintg giuvens da Kriesserns en Sogn Gagl han fundà la gruppa Fäaschtbänklers il 2008. Lur musica è en l’intern da chasa en la musica populara dentant cumbinescha differents geners - da oberkrainer, pop, tecno fin musica electronica. Sper il far musica è la gruppa era fitg activa en las raits socialas e publitgeschan regularmain videos. Lur pli enconuschents videos èn quels nua ch’els cumbineschan var 20 geners, chanzuns e stils da musica entaifer paucas minutas.
Sens Unik
Cura ch’els han l’emprima giada dà concert a l’Open Air Lumnezia n’era per exempel Ski Aggu anc gnanc naschì. 1996 e 2010 ha la gruppa da hip hop da Losanna visità la Lumnezia. Fundà 1987 ha la gruppa cun Carlos Leal, Just One, Laurent Biollay e Déborah publitgà fin 2010 sis albums – lura è la gruppa ida dapart. Dapi 2025 fan els puspè musica ensemen e preschentan er oz anc lur hits sco per exempel «Paquito» ubain «Original».
Samu Haber
20 onns è Samu Haber stà il chantadur e tgau da la gruppa «Sunrise Avenue» ch’è sa schliada il 2022. Lura ha el cumenzà sia carriera da solo ed è daventà commember da la giuria da The Voice of Germany. Ses emprims pass sco artist da solo han lura gì grond success en la Finlanda, internaziunal ha el dentant retschet pauca attenziun. Cun musica englaisa ha el il 2024 puspè pudì far in pass en las paradas da hits internaziunalas. Sia musica ballantscha insanua tranter imnis da punk e balladas d’amur.
Ski Aggu
Il rapper tudestg Ski Aggu porta adina egliers dad ir cun skis ed ha per propi num August Jean Diederich. Uschia è era ses num d’artist vegnì creà “Ski” pervia dals egliers ed “Aggu” sco furma curta da August. 2020 ha il rapper da Berlin publitgà emprimas chanzuns sin la plattafurma Soundcloud. Gia sias emprimas singles han retschet bun resun – l’emprim grond success ha el dentant gì cun «Party Sahne». Il hit musical e quai ch’è stà viral sin social media era il cover da «Friesenjung» ensemen cun Joost Klein (ESC 2024) e l’autur original da la chanzun Otto Waalkes.
Ski Aggu – Friesenjung
Trauffer
Actualmain è el in dals pli enconuschents musicists da mundart. Il november 2025 ha il bernais da 46 onns emplenì gist trais giadas il Hallenstadion a Turitg. El porta la festa dal vitg sin las tribunas grondas. 2008 ha el cumenzà cun sia carriera da solo cun l’album da debut «Pallanza». Durant ina visita tar RTR ha el era empruvà da chantar ina da sias chanzuns per rumantsch – u almain ina part.
Meute
L’emprim act preschentà per l’Open Air Lumnezia 2026 è la gruppa tudestga «Meute». Ils indesch umens da la «Techno-Marching-Band» da Hamburg fan dapi il 2015 musica. Els arranschan musica da Techno e House da DJs enconuschents e sunan ils tuns normalmain electronics cun instruments da flad.
Meute live SIN la Elbphilharmonie
Niklas Dee
Il DJ tudestg Niklas Dee concluda il venderdi cun ses set. Dapi insaquants onns fa l’um da 24 onns musica ed inditgescha Calvin Harris ed Avicii sco ses idols. Per il giuven musicist èn ils concerts l’onn 2026 insatge zunt spezial – Igl è numnadamain sia emprima turnea da solo.
“Startrampe” dal 2026
Ils emprims concerts tutgan a giuvnas musicistas e giuvens musicists per dar ina schanza da sa preschentar sin la tribuna gronda. Quest onn èn quai tschintg acts svizzers: Cutting Curves, Aurelius & Sirius, Cimilo, Tinka ed Omisdus.